Tetelonome 15:19 - Tosi Tapu

¹⁹ E ke fakatapui loa ki le Eteleno, lou Atua, a manu tagata uluaki fuli ala e tupu loa i lau kau manu lalasi mo lau kau manu liliki. Ke aua na ke fakagaoi loa le pipi tagata uluaki, ti ke aua na ke koti loa a fulu o le ovi tagata uluaki.

Tetelonome 15:19 ပူးပေါင်းရင်းမြစ်များ

Ekesote 13:12

e ke vaei kese loa ki le Eteleno a uluaki fuli, tatau foki mo uluaki fuli o manu ala e ke maua loa : E maua loa e le Eteleno a manu tagata.

Ekesote 13:2

Momoli mai kiate au a uluaki fuli, a uluaki fuli o fanau a Iselaele, tatau fai a tagata mo manu : Ko loku vaega latou.

Ekesote 22:29

Aua na ke toe fakatoloi ia loa le momoli mai o uluaki fua o lau fulumeto pe ko lau vite. E ke soli mai loa kiate au le uluaki o ou vosa.

Ekesote 22:30

E ke soli mai loa kiate au le uluaki o lau pipi fafine mo lau ovi fafine ; e nofo loa le uviki i aso e fitu mo lona tinana ; kae i le valu o aso, e ke soli mai loa a ia kiate au.

Ekesote 34:19

Ko uluaki tupu fuli a aku, tatau mo uluaki manu tagata fuli i kau manu, pe ko pipi, mo ovi, mo koti.

Levitiko 27:26

E leaise taga loa ke fakatapui e se tagata ki le Eteleno se manu uluaki o lona kau manu, talie e maua a manu uluaki fuli e le Eteleno : le pipi, mo le akeno, mo le koti.

Numelo 18:15

E ke maua loa a uluaki fuli ala e lotou momoli loa ki le Eteleno, tatau fai a uluaki o tagata mo manu. Kae e ke fakatotogi loa le uluaki o le tagata, ti e ke fakatotogi loa le uluaki o le manu kelekele.

Numelo 18:17

Kae e leaise ke fakatotogi ia loa le uluaki o le pipi fafine, mo le uluaki o le ovi fafine, mo le uluaki o le koti fafine : ko nea maokioki ana. E ke liligi loa olatou toto i aluga o le aletale, ti e ke tutu loa olatou gako : ko se sakilifisio tutu e le afi, ko se nea manogi malie a ia ki le Eteleno.

Numelo 3:13

Talie i le aso leia na kau tamate ai a uluaki o le kau Esipito, na kau fakatapui kiate au a vosa uluaki fuli o fanau a Iselaele mo uluaki fuli o alatou kau manu : a aku loa latou, ko au ko le Eteleno.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:17

E leaise feala loa ke ke kai i ou matapa le vaega kau agafulu o lau fulumeto, mo lau vino foou, mo lau lolo, mo manu uluaki o lau kau manu lalasi mo lau kau manu liliki, mo se moliga ki se fakapapau, mo au moliga alofa, mo au uluaki fua.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 15:18

Ke aua na ke fakasemala loa i le kakau o lau tagata fakasausau ke mavae lauatea mei lou kaiga, talie na gaoi a ia kiate koe i fetuu e ono, ko le tua lua a ia o le totogi o le tagata gaoi totogi ; ti e tapuaki loa kiate koe le Eteleno, lou Atua, i nea fuli ala e ke fai loa.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Epelo 12:23

ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,