Tetelonome 15:15 - Tosi Tapu

¹⁵ E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Tetelonome 15:15 ပူးပေါင်းရင်းမြစ်များ

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Esaia 51:1

Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.

Selemia 16:14

Koia, e pati ai le Eteleno : e soko mai loa a aso, Ala leaise toe pati ai loa : E mauli le Eteleno, A ia leia na fakamavae ia fanau a Iselaele i Esipito !

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 2:12

kotou manatui i le temi lena, na kotou sala Kilisito, mo sala kolo i Iselaele, mo matapule ki sai o le fakapapau, mo sala amanaki malie, ti mo sala Atua i le malama nei.

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Tetelonome 15:14

Kae e ke soli loa kiate ia ni nea i nea fuli ala na tuku fakaalofa atu kiate koe e le Eteleno, lou Atua : ni ovi, mo ni koti, mo se fulumeto, mo se vino.

Tetelonome 15:16

Kae kapau e pati atu loa kiate koe lau tagata fakasausau : e leaise kau fia mavae i lou fale, - talie e alofa a ia kiate koe mo lou famili, ti e mauli fimalie a ia i lou fale, -

Tetelonome 16:12

E ke manatui loa na ke popula i Esipito, ti e ke tausi loa ti mo ke fai loa a lao fuli ana.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Uluaki tosi a Soane 3:16

I le nea leinei, e tou iloa ai le alofa : na soli e Ia lona mauli o tupu ko tatou. Ko tatou foki, e tonu ke tou soli otatou mauli o tupu ko fetaina.