Tetelonome 14:26 - Tosi Tapu

²⁶ I ai, ke ke toe fetogi loa lau paaga ki nea fuli ala e ke loto ki ai, ki manu lalasi mo manu liliki, ki vino mo kava, ki nea fuli ala e fiafia ki ai lou loto, ti ke kai loa latou i mua o le Eteleno, lou Atua, ti mo ke fakafiafia loa, a koe mo lou famili.

Tetelonome 14:26 ပူးပေါင်းရင်းမြစ်များ

Esetalasi 7:22

o kaku ki kilo paaga e afe tolu, mo kilo falina e kau tolu afe, mo liti vino e afe fa, mo liti lolo e afe fa, ti mo se patai lasi.

Pesalemo 106:14

Na lotou manumanu loa i le toafa, Ti na lotou asiasii loa le Atua i le potu lavaki.

Ekelesiasi 9:7

Koia, ano a koe i lou ala, kai lau pane i le fiafia, ti inu lau vino i le fimalie ; talie talu mei fualoa kua fakamaoki e le Atua au gaoi.

Mateo 21:12

Na ulu loa Sesu ki le fale tapu o le Atua. Na kapu loa e ia latou fuli ala na fai fakatau ti mo totogi koloa i le fale tapu ; na tekai loa e ia a laupapa o le kau fetogi paaga, ti mo ekeekeaga o le kau fakatau lupe.

Maleko 11:15

Na lotou kaku loa ki Selusalemi, ti na ulu loa Sesu ki le fale tapu. Na kapu loa e ia latou ala na fai fakatau mo totogi nea i le fale tapu ; na tekai loa e ia a laupapa a le kau fetogi paaga, ti mo ekeekeaga o le kau fakatau lupe ;

Uluaki tosi ki le kau Kolinto 10:6

Kae kua soko a nea ana ko ni faifaitakiaga kia tatou, o tupu ke aua na tou maua ni oli veveli ofaipe la na lotou maua ia.

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:15

Kae logo ai, ka ke loto loa ki ai, e feala loa ke ke tamate se manu ti mo kai se kanoi manu i ou matapa fuli, o mulimuli ki tapuakina fuli ala e tuku atu loa kiate koe e le Eteleno lou Atua ; e feala loa ke kai ki ai leia e kelekele mo leia e mea, ofaipe le kai o se kaseli mo se tia.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 14:25

Koia, ke ke fetogi loa lou vaega kau agafulu ki se paaga, ti ke kukumi loa le paaga lena i lou lima, ti ke ano loa ki le ganea leia e filifili loa e le Eteleno, lou Atua.

Tetelonome 26:11

Ti oki, ti ke fakafiafia loa mo le Levi, mo le matapule leia e nofo i loto malie o ou, ki nea malilie fuli ala na soli loa kiate koe mo lou famili e le Eteleno, lou Atua.