Tetelonome 14:1 - Tosi Tapu

¹ Ko fanau koutou a le Eteleno, lokoutou Atua. Ke aua na kotou fai loa ni tatau ki okoutou tino, ti ke aua na kotou tele loa okoutou tumuaki, o tupu ko se mate.

Tetelonome 14:1 ပူးပေါင်းရင်းမြစ်များ

Senesi 6:2

ti na tio loa a vosa o le Atua na fulumalilie ai a taineliki o tagata, ti na lotou filifili loa ni iki o latou ko alatou avaga.

Senesi 6:4

I le temi lena, na tagata lalasi ai le malama nei. Ti na toe felaaki i le oki o le ano o vosa o le Atua ki taineliki o tagata, ti na tupu loa mei ai ni fanau : ko latou ana na logologona i le temi mua.

Uluaki tosi o Sau 18:28

Ti na lotou kalaga fakamakeke loa, mo tafa olatou kuaga ki alatou seleta mo alatou tao, o mulimuli ki alatou agai fenua, o kaku ki le sali o le toto.

Esaia 63:16

Kae ko koe maoki ko lomatou tamana, Talie e leaise iloa matou e Apalaamo, Ti e leaise tokaga Iselaele kia matou ; Ko koe toka tasi, Eteleno, leia ko lomatou tamana, Leia, talu mei le lee gato, e igoa ko lomatou fakamauli.

Selemia 16:6

E mamate loa a kakai lalasi mo toe liliki i le fenua leinei ; E leaise tanu loa latou ; E leaise tagi loa kia latou, E leaise toe vaku loa a mata pe tele loa a ulu kia latou.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 31:9

E lotou au fetagisi, ti e kau taki latou i loto malie o alatou kolekole ; E kau taki latou ki ni liua apelepele i le vai, I se ala tokamalie leia e leaise lotou sisiga ai ; Talie ko au ko se tamana ki Iselaele, Ti ko Efalaimi loku uluaki.

Selemia 41:5

Na kaku mai loa mei Siseme, mo Silo, mo Samalia ni kau tagata e toka valu ala kua tele olatou kaukava, ti kua masaesae olatou kofu, ti kua mavakuvaku olatou mata. Na lotou aumai loa ni moliga mo se iseso ke momoli i le fale o le Eteleno.

Selemia 47:5

Kua tula le ulu o Kasa, Kua fakalologo Asekaloni, ti mo le toega o lona toafa. E kaku loa kiafea lau vaku lou tino ?

Levitiko 21:5

E leaise fai loa e le kau tagata faisakilifisio ni tosula, mo ni ma, ti mo ni masikasika i olatou tino.

Soane 1:12

Kae kia latou fuli ala na tali ia a ia, kia latou ala e tui ki lona suafa, na soli e ia le pule ke liliu ko fanau a le Atua, ala kua tupu,

Soane 11:52

Ti e leaise gato fua ki le puleaga ; kae ke fakatasii ai foki a fanau a le Atua kua mavetevete.

Loma 8:16

E fakamaoki le Laumalie totonu ki lotatou laumalie ko tatou ko fanau a le Atua.

Loma 9:26

ti i le ganea leia e pati ai kia latou : E leaise ko koutou ko loku kakai ! E fakaigoa loa latou ko vosa o le Atua mauli.

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Loma 9:8

ko lona uiga : E leaise ko fanau o le kanofi ala ko fanau a le Atua, kae ko fanau o le fakapapau ala e lau ko le sakoga.

Lua tosi ki le kau Kolinto 6:18

E kau fai loa kia koutou pe se Tamana, Ti e kotou fai loa kiate au pe ni vosa mo ni taineliki, Efolafola le Aliki mafimafi.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Uluaki tosi ki le kau Tesalonika 4:13

E leaise motou loto, fetaina, ke kotou nonofo i le fakapouli o uiga mo latou ala kua mamate, o tupu ke aua na kotou mamae ofaipe latou ake ala e leaise maua ia se amanaki malie.

Epelo 2:10

Talie na gali mo ia, leia a ana nea fuli, leia e au mei ai a nea fuli, leia na loto ke taki ia ki le kololia ni vosa toka api, ke siki e ia ki le malie tukupau i mamae le Aliki o lotatou fakamauli.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.

Uluaki tosi a Soane 5:2

E tou iloa e tou alofa ki fanau a le Atua, mo ka tou alofa ki le Atua, ti mo ka tou fai ana fakatotonu.