Tetelonome 13:6 - Tosi Tapu

⁶ Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 13:6 ပူးပေါင်းရင်းမြစ်များ

Senesi 16:5

Ti na pati loa Salai kia Apalamo : Ke vilo kiate koe loku mamae. Na kau tuku laku fafine fakasausau ki lou fatafata ; ti na talu lana tio kua tinae a ia mo lana tio fakaveli mai kiate au. Ke nofo le Eteleno ko le tui fakamaau iate au mo koe !

Lua tosi a Samuele 1:26

E kau mamae, o tupu ko koe, Sonatane, loku taina ! Na ke fakatupu ia loku fiafia katoa, Na fulumalie kese ai lou alofa kiate au, O lasi ake i le alofa o fafine.

Uluaki tosi o Sau 18:40

Na pati loa Elia kia latou : Kotou too le kau polofeta a Paale, ke aua na sola loa se tasi ia latou ! Ti na tapo loa latou e le kakai. Ti na fakaifo loa latou e Elia ki le liua o Kisoni, ti na tamate loa e ia latou i ai.

Lua tosi o Sau 11:18

Na ulu loa le kakai katoa ki le fale o Paale, ti na lotou maumaui loa a ia ; na lotou maumaui katoa ona aletale mo ona fakatata, ti na lotou tamate i mua o aletale a Matane, le pelepitelo a Paale. Na tuku loa e le tagata faisakilifisio ko Seosata ni tagata leo ki le fale o le Eteleno.

Lua tosi o Koloniko 15:13

ti ko leia e leaise afa ia loa le Eteleno, le Atua o Iselaele, e tonu loa ke tamate a ia, pe ikiiki pe lasi, pe tagata pe fafine.

Lua tosi o Koloniko 23:17

Na ulu loa le kakai katoa ki le fale o Paale, o maumaui a ia ; na lotou laliki loa ona aletale mo ona fakatata, ti na lotou tamate loa Matane, pelepitelo a Paale, i mua o aletale.

Sopo 31:27

Ti kapau na sese loku loto, Ti na kau atolasio fakafufu ki nea ana ofaipe ni atua ;

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 32:27

Ti na pati loa a ia kia latou : Ko leinei le folafola a le Eteleno, le Atua o Iselaele : Kotou tasi too lana seleta i lona fetuu ; kotou foli katoa le nofolaga mei leia matapa ki leia matapa, ti kotou tasi tamate lona taina, lona kaiga.

Taagapati 18:24

Ko leia e mauke ona kaukau nea e maua ia latou ki lona malaia, Kae e i ai se kaukau nea leia e alofa ake i le taina.

Taagapati 5:20

Ei loku vosa, kolea e ke oli ai loa ki se fafine matapule, Ti e ke sogi ai loa ki le u o se fafine e leaise ke iloa ?

Selemia 28:15

Ti na pati loa Selemia, le polofeta, ki le polofeta ko Anania : Fakalogo mai, Anania ! Na leaise kakau mai a koe e le Eteleno, kae kua ke tuku ki le kakai leinei se fanaki sala.

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Sakalia 13:3

Kapau e kikite loa se tasi, E pati loa kiate ia lona tamana mo lona tinana, ala na fanaui ia a ia : E leaise ke mauli loa, talie e ke fakasa ia ni loi i le suafa o le Eteleno ! Ti e sukii loa a ia e lona tamana mo lona tinana ala na fanaui ia a ia Mo ka kikite loa a ia.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Tetelonome 11:32

Ke kotou tausi ti ke kotou fai a lao mo folafola fuli ala e kau soli kia koutou i le aso nei.

Tetelonome 13:2

ti kapau e soko loa le fakamailoga lena mo le nea fakaofolele lena o mulimuli ki le nea leia na fakasa e ia kiate koe, o pati : tou ano i muli o ni iki atua kese, ko ni atua ala e leaise ke iloa, ti tou tausi latou,

Tetelonome 13:7

kae ko ni atua o puleaga ala e takatakai ia koutou, pe ofi pe mamao, pe mei le potupotu o le malama nei ki le potupotu o le malama nei,

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Tetelonome 18:20

Kae kapau e matasoka loa se polofeta o fakasa ia i loku suafa se folafola leia na leaise kau fakatotonu kiate ia ke fakasa, pe masau loa a ia i le suafa o ni atua kese, e tamate loa le polofeta lena.

Tetelonome 19:19

ti e kotou fai loa kiate ia le nea leia na loto a ia ke fai ki lona taina. E ke too loa i ai le veli i loto malie o Iselaele.

Tetelonome 21:21

Ti e tuki fatui loa a ia ke mate e tagata fuli o lona kolo. E ke sau loa i ai le veli mei loto malie o ou, o tupu ke logo Iselaele katoa ti ke i a ia.

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 24:7

Kapau e maua loa se tagata leia na kaia ia se tasi i ona fetaina, se tasi o fanau totonu a Iselaele, leia na fakaliliu e ia lona taina ko se tagata popula pe na fakatau ia a ia, e tautea loa le tagata lena ki le mate. E ke too loa i ai le veli i loto malie o Iselaele.

Tetelonome 28:54

Ko le tagata, leia ia koutou na fakapotopoto mo agamalu, e tio fakaveli loa ki lona taina, mo lona avaga totonu, mo ona vosa ala koi nonofo mo ia.

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.

Tetelonome 8:14

ke ke tokaga ai na makita loa lou loto, o ke galoi loa le Eteleno, lou Atua, leia na fakamavae ia a koe mei le fenua o Esipito, mei le fale o le popula,

Kolose 2:4

E kau fakasa le nea lena o tupu ke aua na kakai koutou e se tasi ki ni masau logologomalie.

Sosue 7:13

Ke ke tuu ki aluga, ti ke ke fakamea le kakai. Ke ke pati loa : Ke kotou fakamea ki le aso apogipogi, talie ko leinei le folafola a le Eteleno, le Atua o Iselaele : E tuku ni nea kua fakatapui i loto malie o ou, Iselaele ! E leaise feala loa ke ke tuu i mua o ou fili mo kapau e leaise ke too a nea ana meiate koe.

Lua tosi a Petelo 2:1

Na i ai foki ni kau polofeta loi i le kakai, ti e toe i ai loa ia koutou ni toketa loi, ala e fakauluulu fakafufu ia loa ni magai lotu fakamalaia, ti i lalatou fakafiti ki le pule leia na totogi ia latou, e lotou aumai loa kia latou se maumau fakapunamauli.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 20:3

Ti na ti loa e ia a ia ki le vanu, ti na tapono loa e ia le matapa o fakamau ki le kalavi, o tupu ke aua na toe kakaai e ia a atu puleaga, o kaku ki le oki katoa o fetuu e afe. I le oki o fetuu ana, e tonu ke toe tatala a ia i se ga temi ikiiki.

Tuifakamaau 10:6

Na toe fai loa e fanau a Iselaele le nea leia na veli ki mata o le Eteleno : Na lotou tausi loa Paale mo Asetalate, ko atua o Silia, mo atua o Sitone, mo atua o Moape, mo atua o Amone, ti mo atua o le kau Filisitini. Na lotou tiaki loa le Eteleno ti na leaise lotou toe tausi loa kiate ia.

Tuifakamaau 2:13

Na lotou tiaki loa le Eteleno kae lotou tausi loa kia Paale mo Asetalate.

Tuifakamaau 20:13

Kotou tuku mai kia matou i le aso nei latou ala na fai ia le nea lena, a tagata veli o Kipea, ke motou tamate latou ti ke motou fakapuli ai le veli i loto malie o Iselaele. Kae na leaise fia logo loa a vosa o Pesamino ki le leo o olatou fetaina, fanau a Iselaele.

Tuifakamaau 5:8

Na filifili e Iselaele ni atua foou : Koia na nofo ai le tau i mua matapa ; Na leaise maua fua se paletau pe ko se tao I se tino fa afe i Iselaele.

Uluaki tosi a Samuele 18:1

I le oki o le masau a Tavite kia Saulo, na pipiki loa le laumalie o Sonatane ki le laumalie o Tavite, ti na alofa loa Sonatane kiate ia ofaipe lona laumalie.

Uluaki tosi a Samuele 18:3

Na fai loa e Sonatane se sai mo Tavite, talie na alofa a ia kiate ia ofaipe lona laumalie.

Uluaki tosi a Samuele 20:17

Ti na toe kole ake loa e Sonatane kia Tavite ke fakapapau ake i lona alofa kiate ia, talie na alofa Sonatane kiate ia ofaipe lona laumalie.