Tetelonome 13:17 - Tosi Tapu

¹⁷ Ke aua na ke too ia loa se nea i nea fuli ala kua tapui kiate koe, o tupu ke fimalie le sausau o le Eteleno, ti ke fakasa loa e ia lona manava alofa mo lona kalasia kiate koe, o fakaliliu loa a koe o api, o fai ki lana fakapapau ki ou tamana,

Tetelonome 13:17 ပူးပေါင်းရင်းမြစ်များ

Senesi 26:24

Ti na sa loa le Eteleno kiate ia i le pouli, o pati : Ko au ko le Atua o Apalaamo, lou tamana ; aua na ke i, talie e kau nofo mo koe ; e kau tapuaki loa kiate koe, ti e kau liuliuga loa lou sakoga, o tupu ko laku tagata fakasausau ko Apalaamo.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 85:3

Kua ke fakamolemole ki le agaveli a lou kakai, Ti kua ke uufi alatou agasala fuli ; - Manava.

Ekesote 20:6

ti e manava alofa o kaku ki le afe o tautupu kia latou ala e alofa kiate au mo fakalogo ki aku folafola.

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Tagi laulau a Selemia 3:32

Kae, ka fakamamae e ia, E manava alofa a ia o mulimuli ki lona alofa lasi ;

Esekiele 37:26

E kau fai loa mo latou se sai o le tokamalie, ti e i ai loa se sai lee gato mo latou : e kau fakanofo loa latou i ai, ti e kau liuliuga loa latou, ti e kau fakatuu loa loku fale tapu i loto malie o latou ki le lee gato.

Oseo 11:9

E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Numelo 25:4

Na pati loa le Eteleno kia Moisese : Fakatasii a pule fuli o le kakai, ti ke tautau latou ala kua agasala i mua o le Eteleno, o fakatio latou ki le laa, o tupu ke maliu kese le sausau o le Eteleno i Iselaele.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Tetelonome 13:18

mo kapau e ke fakalogo ki le leo o le Eteleno, lou Atua, o tausi ana folafola fuli ala e kau tuku atu kiate koe i le aso nei, ti mo fai le nea leia e malie ki mata o le Eteleno, lou Atua.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 30:5

E toe fakaliliu loa a koe e le Eteleno, lou Atua ki le fenua leia na maua e ou tamana, ti e ke toe maua tofiga loa a ia. E fai loa e le Eteleno kiate koe le malie, ti e toe fakaliliu loa e ia a koe o toe api ake i ou tamana.

Tetelonome 7:13

E alofa loa a ia kiate koe, ti e tapuaki loa a ia kiate koe, ti e liuliuga loa e ia a koe. E tapuaki loa a ia ki fua o lou manava mo fua o lou kele, ki lau fulumeto, mo lau vino foou, mo lau lolo, ki le fua o lau kau pipi fafine, mo le fua o lau kau ovi fafine, i le fenua leia na fakapapau e ia ki ou tamana ke soli atu kiate koe.

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 22:20

I le aso leia na fai ai e Akane, vosa o Sela, se sala lasi o uiga mo koloa ala na tapu lona too, na vilo le sausau o le Eteleno ki le kakai katoa o Iselaele. Talie na leaise mate loa Akane toka tasi i lana sala !

Sosue 6:18

Ke kotou tokaga ai na kotou too ia loa se nea leia e tonu ke maumaui, talie e kotou aumai ia loa le malaia mo le maumau ki le nofolaga o fanau a Iselaele.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Sosue 7:1

Na fai loa e fanau a Iselaele se agatuu ki nea ala na fakatapui ki le Eteleno. Ko Akane, vosa o Kalemi, vosa o Sapeti, vosa o Selake mei le faasiga o Suta, na too ia loa ni nea i nea ala na fakatapui, ti na tupu ai loa le sausau o le Eteleno ki fanau a Iselaele.

Sosue 7:26

Ti na lotou fakatuu loa i ona aluga se tuuga fatu leia koi sa i le aso nei, ti na tafoki loa le Eteleno mei lona sausau. Koia na fakaigoa ai loa le ganea lena ko le popoko o Akole.

Sosue 8:28

Na tutu loa e Sosue a Ai, ti na fakaliliu loa e ia le kolo ko se tuuga fatu lavaki leia koi tuu i le aso nei.