Tetelonome 13:16 - Tosi Tapu

¹⁶ Ke ke tanaki loa le koloa katoa ki loto malie o le kolo, ti ke tutu katoa loa i le afi le kolo mo ona koloa fuli, i mua o le Eteleno, lou Atua : e tuu loa a ia ko se tuuga nea maumau, e leaise toe fakatuu loa a ia i se aso.

Tetelonome 13:16 ပူးပေါင်းရင်းမြစ်များ

Ekesote 22:19

Ko leia e momoe mo se manu, e tonu ke fakatuaa a ia ki le mate.

Esaia 17:1

Folafola ki Tamaso. Ko leinei, e leaise koi nofo Tamaso ko se kolo, Kae e liliu loa a ia ko se tuuga fale maumau.

Esaia 25:2

Talie kua ke fakaliliu le kolo ko se tuuga fatu, Le kolo tau ko se tuuga fale maumau ; Kua maumau le kolo tau o le kau pagani, E leaise toe laga loa a ia i se aso.

Selemia 49:2

Koia e folafola ai le Eteleno, o pati : E soko mai loa a aso Ala e kau fakagugulu ai loa le kalaga o le tau ki Lapati o fanau a Amone ; E liliu loa a ia ko se tuuga fatu maumau, Ti e tutu loa e le afi ona kolo liliki ; I le aso lena e kapu loa e Iselaele latou ala na kapu ia a ia, e pati le Eteleno.

Esekiele 26:14

E kau fakaliliu loa a koe ko se utu telefua ; ti e ke liliu loa ko se ganea leia e tautau ai loa a kupega ; ti e leaise toe lagai loa a koe. Talie ko au le Eteleno, kua kau masau, e pati le Aliki, le Eteleno.

Mikea 1:6

E kau fakaliliu loa Samalia ko se tuuga fatu i faisaga, Ko se ganea ke to ai le vite ; E kau laku loa ona fatu ki le vaivailiua, E kau tuku loa ke telefua ona fakavae.

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 6:21

Na lotou tamate loa ki le seleta le kakai katoa o le kolo, a tagata mo fafine, a toe mo matua, mo pipi, mo ovi, ti mo asino.

Sosue 6:24

Na lotou tutu loa le kolo mo nea fuli na maua i ai, kae na lotou tuku loa le siliva, mo le aulo, ti mo nea fuli na fau ki le kapa mo le ukamea ki le koloa o le fale o le Eteleno.

Sosue 6:26

I le aso lena, na fai loa e Sosue le fakapapau leinei : Ke malaia i mua o le Eteleno le tagata leia e tuu loa ki aluga o toe fakatuu le kolo leinei ko Seliko. E kenu loa e ia ona fakavae o totogi ki lona vosa uluaki ; ti e tau loa e ia ona matapa o totogi ki lona vosa lua.

Sosue 8:28

Na tutu loa e Sosue a Ai, ti na fakaliliu loa e ia le kolo ko se tuuga fatu lavaki leia koi tuu i le aso nei.