Tetelonome 13:10 - Tosi Tapu

¹⁰ ke ke tuki fatui loa a ia ke mate, talie na faiga a ia ke ke mavae mei le Eteleno, lou Atua, leia na fakamavae ia a koe mei le fenua o Esipito, mei le fale o le popula.

Tetelonome 13:10 ပူးပေါင်းရင်းမြစ်များ

Lua tosi o Sau 11:18

Na ulu loa le kakai katoa ki le fale o Paale, ti na lotou maumaui loa a ia ; na lotou maumaui katoa ona aletale mo ona fakatata, ti na lotou tamate i mua o aletale a Matane, le pelepitelo a Paale. Na tuku loa e le tagata faisakilifisio ko Seosata ni tagata leo ki le fale o le Eteleno.

Lua tosi o Koloniko 24:21

Ti na fono loa e le kakai ke tamate a ia, ti na lotou tuki fatui loa a ia o mulimuli ki le fakatotonu a le sau, i le lotoa o le fale o le Eteleno.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 32:27

Ti na pati loa a ia kia latou : Ko leinei le folafola a le Eteleno, le Atua o Iselaele : Kotou tasi too lana seleta i lona fetuu ; kotou foli katoa le nofolaga mei leia matapa ki leia matapa, ti kotou tasi tamate lona taina, lona kaiga.

Levitiko 20:2

E ke pati loa ki fanau a Iselaele : kapau e soli loa e se tagata o fanau a Iselaele pe ko se matapule leia e mauli i Iselaele se tasi o ana fanau kia Moloke, e tautea loa le tagata lena ki le mate : e tuki fatui loa a ia e le kakai o le fenua.

Levitiko 20:27

Kapau e maua e se tagata pe ko se fafine le laumalie o se mate pe ko le laumalie o le kikite, e tautea loa laua ki le mate ; e tuki fatui loa laua : e vilo loa ola toto kia laua.

Levitiko 24:23

Na masau loa Moisese ki fanau a Iselaele ; ti na lotou fakamavae loa le tagata leia na lauveli mei le nofolaga, ti na lotou tuki fatui loa a ia. Na mulimuli loa fanau a Iselaele ki le fakatotonu leia na tuku e le Eteleno kia Moisese.

Tetelonome 13:5

Ke tautea loa ki le mate le polofeta lena pe ko le tagata fai kikite lena, talie na masau a ia ke fakafesagai ki le Eteleno, lokoutou Atua, leia na fakamavae ia a koe mei le fenua o Esipito, ti na saofaki ia koutou mei le fale o le popula, ti na loto a ia ke fakamaliu a koe mei le ala leia na fakatotonu e le Eteleno, lou Atua, ke ke saele ai. E ke too loa i ai le veli mei loto malie o lou kakai.

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 17:7

E uluaki siki loa kiate ia le lima o tagata fakamaoki o tamate a ia, ti o muli atu loa le lima o le kakai katoa. E ke too loa i ai le veli i loto malie o Iselaele.

Tetelonome 21:21

Ti e tuki fatui loa a ia ke mate e tagata fuli o lona kolo. E ke sau loa i ai le veli mei loto malie o ou, o tupu ke logo Iselaele katoa ti ke i a ia.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;

Sosue 7:25

Na pati loa Sosue : Na ke fakatupu ia lomatou malaia ! E fakamalaia loa a koe e le Eteleno i le aso nei. Ti na tuki fatui loa a ia e Iselaele katoa. Ti na lotou toe tamate fenaaki loa lona famili katoa, kae na lotou tutu loa ana nea fuli.