Tetelonome 12:7 - Tosi Tapu

⁷ Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 12:7 ပူးပေါင်းရင်းမြစ်များ

Uluaki tosi o Koloniko 29:22

Na lotou kai loa ti mo inu loa i le aso lena i mua o le Eteleno mo se fiafia lasi, ti na lotou fakanofo loa i le aso lena, ko lona tua lua a ia, a Salomone, vosa o Tavite, ko le sau, o lotou pani loa a ia ki le lolo i mua o le Eteleno ke sau, ti na lotou pani lolo loa Satoke ko le tagata faisakilifisio.

Neemia 8:9

Ko Neemia, leia ko le kovana, mo Esetalasi, leia ko le tagata faisakilifisio mo le sekelipa, ti mo le kau Levi, ala na ako ia le kakai, na pati loa ki le kakai katoa : Ko le aso leinei e fakatapui ki le Eteleno, lokoutou Atua ; aua na kotou nofo i le mamae mo le tagi, talie kua fetagisi le kakai katoa i le logo ki folafola o le lao.

Ekelesiasi 3:12

Na kau iloa mei ai e leaise malie se nea ki le tagata, kae ke fakafiafia a ia ti mo mauli fimalie ;

Ekelesiasi 3:13

kae na kau tio foki, kapau e kai se tagata, mo inu, mo fiafia i le malie o ana gaoi fuli, ko se alofa a ia e soli e le Atua.

Ekelesiasi 5:18

Kae kapau na soli e le Atua ki se tagata ni koloa mo ni nea malilie, ti kapau na tuku e ia ke pule le tagata lena ki ona koloa o kai, mo too lona vaega, ti mo fiafia i loto malie o lana gaoi, ko le nea lena ko se nea alofa a ia o le Atua.

Esaia 23:18

Kae e fakatapu loa ona koloa mo lona totogi kelekele ki le Eteleno. E leaise toe tanaki loa latou, pe taupau loa latou ke tologa, Talie e fakaaoga loa lona totogi kia latou ala e nonofo i mua o le Eteleno Ke totogi ai ni nea kai malilie ti mo ni kofu fulumalilie.

Esaia 62:9

Kae ko latou ala e tanaki ia loa le fulumeto e kai ia loa a ia Ti e fakafetai loa ki le Eteleno, Ti ko latou ala na tau ia le vite e inu ia loa le vino I lotoa o loku sagatualio.

Esekiele 44:3

Kua tuku a ia ki le tama aliki, e feala loa ke kai i ai le tama aliki, i lona uiga tagata faisakilifisio, le pane i mua o le Eteleno ; kae e ulu mai loa a ia i le ala o le kogafale ulu o le matapa, ti e toe mavae loa a ia i le ala lena.

Soele 1:16

Pe leaise kua too le nea kai i otatou mata ? Pe leaise kua puli le fiafia mo le nekenekea i le fale o lotatou Atua ?

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Levitiko 23:40

I le uluaki aso, e kotou too loa ni fuai laakau malilie, mo ni lau palemie, mo ni taaulu laakau lalasi, ti mo ni taaulu laakau ko le sole ; ti kotou fakafiafia loa i mua o le Eteleno, ko lokoutou Atua, i ni aso e fitu.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:8

Ti ke aua na kotou toe fai loa pe latatou fai i leinei i le aso nei, leia e tasi fai e le tagata le nea leia e malie kiate ia,

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 14:26

I ai, ke ke toe fetogi loa lau paaga ki nea fuli ala e ke loto ki ai, ki manu lalasi mo manu liliki, ki vino mo kava, ki nea fuli ala e fiafia ki ai lou loto, ti ke kai loa latou i mua o le Eteleno, lou Atua, ti mo ke fakafiafia loa, a koe mo lou famili.

Tetelonome 15:20

Kae e ke kai loa latou i fetuu fuli, e koe mo lou famili, i mua o le Eteleno, lou Atua, i le ganea leia e filifili loa e ia.

Tetelonome 26:11

Ti oki, ti ke fakafiafia loa mo le Levi, mo le matapule leia e nofo i loto malie o ou, ki nea malilie fuli ala na soli loa kiate koe mo lou famili e le Eteleno, lou Atua.

Tetelonome 27:7

E ke momoli foki mo ni sakilifisio fakafetai, ti e ke kai loa i lena ti mo ke fakafiafia loa i mua o le Eteleno, lou Atua.

Tetelonome 28:47

O tupu na leaise ke tausi ki le Eteleno, lou Atua, i le loto fiafia mo le loto alofa, i le temi leia na ke maua lasi ai a nea fuli ana,

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.