Tetelonome 12:6 - Tosi Tapu

⁶ Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.

Tetelonome 12:6 ပူးပေါင်းရင်းမြစ်များ

Lua tosi o Koloniko 31:14

Ko le Levi ko Kole, vosa o Simena, tagata leo matapa o le potu esite, na pule ki nea alofa ala na soli fakaalofa ki le Atua, ti na tufa ia a moliga maokioki mo moliga maokioki lasi.

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Neemia 10:36

ti ke aumai ki le fale o lomatou Atua, mo le kau tagata faisakilifisio leia e gaoi i le fale o lomatou Atua, omatou vosa uluaki ti mo uluaki manu o amatou kau manu, o mulimuli ki le nea leia e tuu i le lao, io, a uluaki manu o amatou kau pipi ti mo amatou kau ovi ;

Neemia 10:39

Talie e aumai loa e fanau a Iselaele mo vosa o Levi ki kogafale tanaki o koloa a moliga fulumeto, mo moliga vino, mo moliga lolo, ki le ganea leia e tanaki ai a ipu o le sagatualio, ti e nonofo ai le kau tagata faisakilifisio leia e fai ia le tausi, mo le kau tuu matapa, mo le kau sua. Ko lamatou fakapapau a ia ke aua na tiaki le fale o lomatou Atua.

Pesalemo 116:17

E kau momoli loa kiate koe se sakilifisio fakafetai, Ti e kau fetapa loa ki le suafa o le Eteleno ;

Esekiele 20:40

Talie e folafola le Aliki, le Eteleno, o pati : I loku mauga maokioki, i le mauga taualuga o Iselaele, e tausi loa au i ai e le fale katoa o Iselaele, mo latou fuli ala e nonofo i le fenua ; ti e kau tali malie loa latou i ai, ti e kau afa loa akoutou moliga, a uluaki fua o okoutou nea alofa, mo nea fuli ala e kotou momoli mai loa kiate au.

Levitiko 1:3

Kapau ko lana moliga ko se manu lasi ki le failaulau, e momoli loa e ia se manu tagata lee mele ; e momoli loa e ia le manu i le uluaga o le falela tapu, i mua o le Eteleno, ke tali malie loa a ia e le Eteleno.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 18:12

E kau sesunio tua lua i le vasaa, ti e kau soli le vaega kau agafulu o oku koloa fuli.

Tetelonome 12:17

E leaise feala loa ke ke kai i ou matapa le vaega kau agafulu o lau fulumeto, mo lau vino foou, mo lau lolo, mo manu uluaki o lau kau manu lalasi mo lau kau manu liliki, mo se moliga ki se fakapapau, mo au moliga alofa, mo au uluaki fua.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Sosue 22:27

kae ke tuu ko se fakamaoki, kia koutou mo matou, ki okoutou sakoga mo omatou sakoga ki muli, e motou fia tausi ki le Eteleno i ona mua ki ni failaulau, mo ni sakilifisio fakamalie, mo ni sakilifisio fakafetai, ti mo ni moliga nea kai, ti ke aua na pati loa okoutou vosa ki omatou vosa i se aso ki muli : E leaise kotou kau ki le Eteleno !

Uluaki tosi a Samuele 1:21

Ti na pale loa lona avaga ko Elekana mo lona fale katoa, o momoli ki le Eteleno le sakilifisio o le fetuu, ti mo fakasoko lana fakapapau.

Uluaki tosi a Samuele 1:24

I le puaki o le toe, na paleaki loa a ia e Ana, ti na too loa e ia a pipi tagata e tolu, mo kilo falina e kau tolu tupu lima, mo se utele vino. Na ave loa e ia le fanau ki le fale o le Eteleno i Silo : na koi ikiiki ai le toe.