Tetelonome 12:5 - Tosi Tapu

⁵ Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 12:5 ပူးပေါင်းရင်းမြစ်များ

Uluaki tosi o Sau 12:27

Kapau e pale le kakai leinei ki Selusalemi o momoli ni sakilifisio i le fale o le Eteleno, e toe liliu loa le loto o le kakai leinei ki lolatou aliki ko Lopoamo, sau o Suta, ti e lotou tamate loa au kae lotou toe liliu loa kia Lopoamo, sau o Suta.

Uluaki tosi o Sau 14:21

Na sau loa Lopoamo, vosa o Salomone, i Suta. Na fetuu kau fa tupu tasi a ia i le temi na sau ai, ti na sau loa a ia i fetuu e kau agafulu tupu fitu i Selusalemi, le kolo leia na filifili e le Eteleno i faasiga fuli o Iselaele ke tuku ai lona suafa. Na igoa lona tinana ko Naama, ko se fafine Amone.

Uluaki tosi o Sau 8:16

Talu mei le aso leia na kau fakamavae ai mei Esipito loku kakai ko Iselaele, na leaise kau filifili fua se kolo i faasiga fuli o Iselaele, ke fakatuu ai se fale ki loku suafa, kae na kau filifili Tavite ke pule ki loku kakai ko Iselaele !

Uluaki tosi o Sau 8:20

Kua fakasoko e le Eteleno le folafola leia na fai e ia. Kua kau tuu ake i le nofoaga o loku tamana ko Tavite, ti kua kau ekeeke i le ekeekeaga fakasau o Iselaele, o fai ki le nea leia na fakasa e le Eteleno, ti kua kau fakatuu le fale ki le suafa o le Eteleno, le Atua o Iselaele.

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Uluaki tosi o Sau 8:29

O tupu ke agai ou mata ki le fale leinei i le po mo le ao, ki le ganea leia na ke pati ki ai : E kau fakasa loa i ai loku agai. Fakalogo mai ki le kole leia e fai atu kiate koe e lau tagata fakasausau i le ganea leinei.

Lua tosi o Sau 18:22

E lagi kotou pati mai loa : Ko le Eteleno, lomatou Atua, leia e motou fanaki ki ai. Pe leaise ko ia leia na fakapuli e Esekiasi ona ganea taualuga mo ona aletale, o pati ki Suta mo Selusalemi : E kotou punou loa i mua o le aletale leinei i Selusalemi ?

Uluaki tosi o Koloniko 22:1

Ti na pati loa Tavite : I leinei e tuu ai loa le fale o le Eteleno Atua, i leinei e tuu ai loa le aletale o failaulau a Iselaele.

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Esetalasi 6:12

Ke maumaui e le Atua, leia e agai lona suafa i le ganea lena, a sau fuli mo kakai fuli ala e falo loa olatou lima ke maumaui laku fakatotonu, ti mo maumaui le fale lena o le Atua i Selusalemi ! Ko au, Taliusi, na kau tuku le fakatotonu leinei. Ke fai katoa a ia.

Esetalasi 7:17

Koia, e ke tokaga loa o totogi ki le paaga lena ni pipi tagata, mo ni ovi tagata, mo ni akeno, mo nea fuli ala e aoga ki moliga, mo moliga vino ti mo lolo, ti e ke momoli loa a nea ana i aluga o le aletale o le fale o lokoutou Atua i Selusalemi.

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Ekesote 25:22

Ko lena le ganea leia e kau felavei ai loa mo koe ; i aluga o le nofolaga o le manava alofa, i le vasa o selupino e lua ala e tuu i aluga o le aleka, e kau tuku atu loa kiate koe aku fakatotonu fuli ki fanau a Iselaele.

Selemia 26:2

E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Selemia 7:12

Kotou ano ki le ganea leia na fakatapui kiate au i Silo, Leia na kau fakaagai ai loku suafa i mua. Ti kotou tio pe na kau fai feaki a ia, O tupu ko le agaveli o loku kakai ko Iselaele.

Selemia 7:14

E kau fai loa le nea leia na kau fai ki Silo, Ki le fale leia na fetapa ai ki loku suafa, Ki le fale leia na kotou tuku ki ai lakoutou fanaki, Ki le ganea leia na kau tuku kia koutou mo okoutou tamana ;

Levitiko 17:4

ti e leaise aumai loa e ia a ia ki le uluaga o le falela tapu, o momoli ki le Eteleno, i mua o le falela o le Eteleno, e lau loa le toto ki le tagata lena ; kua liligi e ia le toto, e tuuti loa le tagata lena mei lona kakai.

Numelo 7:89

I le temi leia na ulu ai loa Moisese ki le falela tapu o masau mo le Eteleno, na logo loa Moisese ki le leo o le Eteleno : na ulu mai le leo lena mei le vasa o selupino, i aluga o le tapono o le aleka leia na tuku ai a fatu o le fakapapau. Ti na masau loa le Eteleno mo Moisese.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:13

Ke ke tokaga ai na ke momoli loa au failaulau i ganea tapu fuli ala e ke tio loa ki ai ;

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:4

Ke aua na kotou fai felaaki loa ki le Eteleno, lokoutou Atua, ke aua na kotou fakatautau loa a puleaga ana.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 14:24

E feala loa mo ka tapuakii loa a koe e le Eteleno, lou Atua, ke mamao lasi ai le ala leia ke ke amo ai le vaega kau agafulu o kaku ki le ganea leia e filifili loa e le Eteleno ke fakasa ai lona suafa.

Tetelonome 15:20

Kae e ke kai loa latou i fetuu fuli, e koe mo lou famili, i mua o le Eteleno, lou Atua, i le ganea leia e filifili loa e ia.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:15

E ke fai loa le aso lena ki le Eteleno, lou Atua, i aso e fitu, i le ganea leia e filifili loa e le Eteleno ; talie e tapuaki loa kiate koe le Eteleno, lou Atua, i au fuata fuli mo gaoi fuli o ou lima, ti e ke fiafia maoki loa.

Tetelonome 16:2

E ke momoli loa le Pasikate ki le Eteleno, lou Atua, ki au vikitima liliki mo lalasi, i le ganea leia e filifili loa e le Eteleno ke nofo ai lona suafa.

Tetelonome 16:6

kae e ke momoli loa le Pasikate i le ganea leia e filifili loa e le Eteleno, lou Atua, ke nofo ai lona suafa, i le afiafi, i le vilo o le laa, i le ola totonu leia na ke mavae ai i Esipito.

Tetelonome 16:7

E ke fakamoso loa le vikitima, ti e ke kai loa a ia i le ganea leia e filifili loa e le Eteleno, lou Atua. Ti e ke toe liliu loa i le pogipogi usu ki lou kaiga.

Tetelonome 17:8

Kapau e leaise mafai e se fono fakakolo ke fakamaaui ia se nea o uiga mo se tukipo, pe ko se lavea, pe ko se tasi ake a nea, e feala loa ke ke ano o ave a ia ki le ganea leia e filifili loa e le Eteleno, lou Atua.

Tetelonome 18:6

Ka mavae loa le Levi i se kolo o Iselaele leia e nofo ai, ke ano, o mulimuli ki lona loto katoa, ki le ganea leia e filifili loa e le Eteleno,

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Tetelonome 31:11

i le aso leia e ano ai loa Iselaele katoa ki mua o le Eteleno, lou Atua, i le ganea leia e filifili loa e ia, e ke lau loa le lao leinei i mua o Iselaele katoa, o tupu ke lotou logo ki ai.

Kolose 2:9

Talie e nofo fakatino iate ia le apeleaga katoa o le Atua.

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.

Sosue 22:11

Na logo loa a fanau a Iselaele ki le masau : Ko leinei kua fakatuu loa e fanau o Lupeni, mo Kate, ti mo le vaelua o Manase, se aletale i le kauvai o le Solotane, i lotatou fetuu, i le fenua o Kanaane.

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.

Apokalipisi 14:1

Ti na kau tio loa, ti ko leinei, na tuu le Akeno i le mauga o Sione, ti na tuu mo ia se kakai ko le tino lelau tino fa tupu fa afe, ala kua tosi i olatou lae lona suafa ti mo le suafa o lona Tamana.