Tetelonome 12:30 - Tosi Tapu

³⁰ ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Tetelonome 12:30 ပူးပေါင်းရင်းမြစ်များ

Lua tosi o Sau 16:10

Na ano loa le sau ko Akase ki Tamaso ki mua o Tikalate-Pilesele, sau o Asilia. I le tio loa a Akase ki le aletale leia na tuu i Tamaso, na fakamomoli loa e ia ki le tagata faisakilifisio ko Uli le paaki o le aletale lena.

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Ekesote 23:24

Aua na ke punou loa i mua o olatou atua, ti aua na ke tausi loa kia latou ; aua na ke fakatatau loa a aga o kakai ana, kae e ke maumaui loa latou ti e ke fatifatii loa olatou fakatata.

Selemia 10:2

E folafola le Eteleno, o pati : Aua na kotou faifaitaki ki ala o atu puleaga, Aua na kotou i ki fakamailoga o le lagi, O tupu e i a atu puleaga kia latou.

Esekiele 11:12

Ti e kotou iloa loa ko au ko le Eteleno, Leia na leaise kotou fakalogo ki ana fakatotonu Pe na fai ia ana lao ; Kae na kotou mulimuli ki lao o puleaga ala e takatakai ia koutou.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 20:32

E leaise kotou tio loa ki le fai o le nea leia e kotou manatu ki ai, mo ka e kotou pati : E motou loto ke motou tatau mo la ake puleaga, mo famili o la ake fenua, ti e motou loto ke motou tausi ki le laakau mo le fatu.

Levitiko 18:3

Ke aua na kotou fai loa le nea leia e fai i le fenua o Esipito, leia na kotou nofo ai, ti ke aua na kotou fai loa le nea leia e fai i le fenua o Kanaane leia e kau ave koutou ki ai : Ke aua na kotou mulimuli loa ki alatou aga fakafenua.

Levitiko 18:30

Kotou tausi loa aku fakatotonu ; ti aua na kotou fai loa se aga fakalialia e tasi i nea fakalialia ala na fai i mua o koutou, ti e leaise kotou kelekele loa. Ko au ko le Eteleno, ko lokoutou Atua.

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Efeso 4:17

Ko leinei loa le nea leia e kau fakasa mo fakamaoki i le Aliki : E leaise koi tonu ai ke kotou saele ofaipe le kau pagani, ala e saele o mulimuli ki le vaiga o olatou manatu.

Tetelonome 11:16

Koia, ke kotou tokaga ai, na kakaai loa okoutou loto, o kotou maliu loa o tausi ki ni atua kese ti mo punou loa kia latou.

Tetelonome 12:29

Ka motusi loa e le Eteleno a puleaga ala e ke kapu loa i ou mua, ti ka ke kapu loa latou ti mo ke nofo loa i lolatou fenua,

Tetelonome 12:31

Ke aua na ke fai fenaaki ki le Eteleno, lou Atua ; talie na lotou tausi ki olatou atua o fai a nea fakalialia fuli ala e vesia ki ai le Eteleno, ti na lotou tutu foki i le afi ki olatou atua, olatou vosa mo olatou taineliki.

Tetelonome 18:9

Ka ke ulu loa ki le fenua leia e soli kiate koe e le Eteleno, lou Atua, aua na ke ako loa le fakatautau o nea fakalialia a puleaga ana.

Tetelonome 20:18

o tupu ke aua na lotou ako ia loa kia koutou ke fakatautau o nea fakalialia fuli ala e lotou fai ki olatou atua, ti ke aua na kotou agasala ai loa ki le Eteleno, lokotou Atua.

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.