Tetelonome 12:29 - Tosi Tapu

²⁹ Ka motusi loa e le Eteleno a puleaga ala e ke kapu loa i ou mua, ti ka ke kapu loa latou ti mo ke nofo loa i lolatou fenua,

Tetelonome 12:29 ပူးပေါင်းရင်းမြစ်များ

Lua tosi o Koloniko 33:2

Na fai loa e ia le nea leia e veli ki mata o le Eteleno, o mulimuli ki aga fakalialia a puleaga ala na kapu e le Eteleno i mua o fanau a Iselaele.

Pesalemo 78:55

Na kapu loa e ia i olatou mua a atu puleaga, Kae na vaevae loa e ia kia latou le fenua ke lotou maua, Ti na fakanofo loa e ia a faasiga o Iselaele i olatou nofoaga.

Ekesote 23:23

E saele loa loku aselo i ou mua, ti e taki loa e ia a koe ki le kau Amole, mo le kau Eti, mo le kau Felesi, mo le kau Kanaane, mo le kau Evi mo le kau Sepusi, ti e kau tamate loa latou.

Tetelonome 12:30

ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Tetelonome 19:1

Ka kapu loa e le Eteleno, lou Atua, a puleaga kae tuku atu loa e ia kiate koe lolatou fenua, ka ke kapu ia loa latou kae ke nofo loa i olatou kolo mo olatou fale,

Tetelonome 9:3

Ke ke iloa i le aso nei e muamua loa iate koe le Eteleno, lou Atua, ofaipe se afi maumau, ti ko ia leia e maumaui ia loa latou, mo fakamamae ia loa latou i ou mua ; ti e ke kapu loa latou, ti e ke tamate fakatavili loa latou, ofaipe le pati a le Eteleno kiate koe.

Sosue 21:43

Na soli loa e le Eteleno ki Iselaele le fenua katoa leia na fakapapau e ia ke soli ki olatou tamana ; na lotou too loa a ia ti na lotou nonofo loa i ai.

Sosue 23:4

Kotou tio, kua kau soli kia koutou ke kotou maua tofiga i le toso, o mulimuli ki okoutou faasiga, a puleaga ana na toe, mei le Solotane, ti mo puleaga fuli ala na kau tamate, o kaku ki le tai lasi i le viloaga o le laa.