Tetelonome 12:28 - Tosi Tapu

²⁸ Ke ke fakalogo mo ke tausi a nea fuli ana e kau fakatotonu atu kiate koe, o tupu ke manuia o lee gato, a koe mo au fanau ki muli, i le fai o le nea leia e malie mo totonu ki mata o le Eteleno, lou Atua.

Tetelonome 12:28 ပူးပေါင်းရင်းမြစ်များ

Lua tosi o Sau 17:31

ti na fai loa e le kakai o Ava le fakatata o Nipesasi mo Taletake ; na tutu loa e le kakai o Sefalevaimi alatou fanau kia Atelameleke mo Anameleke, atua o Sefalevaimi.

Lua tosi o Koloniko 7:17

Ti ko koe, kapau e ke saele loa i oku mua ofaipe le saele a Tavite, lou tamana, o ke fai a nea fuli ala na kau fakatotonu atu kiate koe, ti kapau e ke tausi aku lao mo aku fakatotonu,

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Pesalemo 105:45

O tupu ke lotou tausi ana fakatotonu Ti ke lotou fai ana lao. Kotou fakafetai ki le Eteleno !

Ekesote 34:11

Tokaga ki le nea leia e kau fakatotonu kiate koe i le aso nei. Ko leinei, e kau kapu loa i ou mua le kau Amole, mo le kau Kanaane, mo le kau Eti, mo le kau Felesi, mo le kau Evi, mo le kau Sepusi.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Esekiele 37:24

E liliu loa laku tagata fakasausau ko Tavite ko lolatou sau, ti e lotou maua fuli loa se tagata tausi ovi e tasi. E lotou mulimuli loa ki aku fakatotonu, ti e lotou tausi loa aku lao ti mo fai loa latou.

Levitiko 19:37

Kotou tausi loa aku lao fuli mo aku fakatotonu fuli, ti kotou fai loa latou. Ko au ko le Eteleno.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 15:14

Ko koutou ko oku kaukau nea, mo kapau e kotou fai le nea leia e kau fakatotonu atu kia koutou.

Soane 15:3

Kua kotou mea foki, o tupu ko le folafola leia kua kau fakasa atu kia koutou.

Tetelonome 12:25

Ke aua na ke kai loa a ia, o tupu ke ke manuia, a koe mo ou fanau ki muli, i le fai o le nea leia e malie ki mata o le Eteleno.

Tetelonome 24:8

Ke ke tokaga ai ki le masaki ko le kilia, o tausi mo fai a nea fuli ala e ako atu loa kia koutou e le kau Levi faisakilifisio : ke kotou tausi loa ti mo kotou fai loa a fakatotonu fuli ala na kau tuku kia latou.

Tetelonome 4:40

Ti ke ke tausi ana lao mo ana folafola ala e kau tuku atu kiate koe i le aso nei, o tupu ke ke manuia, a koe mo au fanau i ou muli, ti ke ke fakatologa loa ou aso i le fenua leia e soli loa kiate koe e le Eteleno, lou Atua o lee gato.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.