Tetelonome 12:27 - Tosi Tapu

²⁷ Ke ke momoli loa au failaulau, le kanofi mo le toto, i aluga o le aletale o le Eteleno, lou Atua ; i la ake au sakilifisio, e liligi loa le toto i aluga o le aletale o le Eteleno, lou Atua, ti e ke kai loa le kanofi.

Tetelonome 12:27 ပူးပေါင်းရင်းမြစ်များ

Selemia 7:21

E folafola le Eteleno o kau tau, le Atua o Iselaele, o pati : Kotou fakalasi akoutou failaulau ki akoutou sakilifisio, Ti kotou kai le kanofi !

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:5

E tamate loa e ia le pipi tagata muli i mua o le Eteleno ; ti e momoli loa e tagata faisakilifisio, vosa o Alone, le toto, o liligi loa a ia i le takatakai katoa o le aletale leia e tuu i le uluaga o le falela tapu.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 17:11

Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 3:1

Ka momoli loa e se tagata ki le Eteleno se sakilifisio fakafetai : Ti kapau e momoli e ia se manu lasi, tagata pe fafine, e momoli loa e ia se manu lee mele ki le Eteleno.

Levitiko 4:30

E tooi loa e le tagata faisakilifisio lona maikao ki le toto o le vikitima, ti e pooi loa e ia ki le toto a tala o le aletale o failaulau, ti e liligi loa e ia le toto katoa ki le vae o le aletale.