Tetelonome 12:23 - Tosi Tapu

²³ Koleia fua, ke ke tokaga ai na kai loa le toto, talie ko le toto ko le mauli a ia : ti e leaise ke kai fakatasi loa le mauli mo le kanofi.

Tetelonome 12:23 ပူးပေါင်းရင်းမြစ်များ

Senesi 9:4

Kae ke aua fua na kotou kai loa se kanoi manu mo lona laumalie, mo lona toto.

Esekiele 33:25

Koia ke ke pati kia latou : E folafola le Aliki, le Eteleno, o pati : E kotou kai akoutou nea kai mo le toto, ti e kotou siki okoutou mata ki okoutou taulaatua, ti e kotou liligi le toto. Ti e kotou maua loa i ai le fenua !

Levitiko 17:10

Kapau e kai loa e se tagata o Iselaele pe ko se tagata matapule leia e nofo i loto malie o latou se toto o se manu, e kau fulusi loa oku mata ki leia kua kai ia le toto, ti e kau tuuti loa a ia mei loku kakai.

Levitiko 17:11

Talie ko le mauli o le tino e nofo i le toto. E kau soli atu a ia kia koutou i aluga o le aletale, o tupu ke fai ai le fakamalie ki okoutou laumalie ; talie ko le toto leia e fai ia le fakamalie ki le laumalie, talie ko le toto ko le mauli a ia.

Levitiko 19:26

Aua na kotou kai loa se nea mo se toto. Aua na kotou vavakai loa a gata, pe ko ao ke kotou maua mei ai ni kikite.

Levitiko 7:26

E leaise kotou kai loa se toto, mo ni manu lele, mo ni manu lalasi, i ganea fuli ala e kotou nonofo ai loa.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Tetelonome 12:16

Koleia fua, ke aua na kotou kai loa le toto. Kae ke kotou liligi a ia ki le kele ofaipe le vai.

Tetelonome 12:22

E ke kai loa a ia ofaipe le kai o le kaseli mo le tia. E feala loa ke kai a ia e leia e kelekele mo leia e mea.

Tetelonome 12:24

Ke aua na ke kai loa a ia : e ke liligi loa a ia ki le kele ofaipe le vai.

Tetelonome 15:23

Koleia fua, ke aua na ke kai loa le toto o le manu ; kae e ke liligi loa a ia ki le kele, ofaipe le vai.

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Uluaki tosi a Samuele 14:32

ti na oso loa a ia ki koloa o le fili. Na too loa e ia ni ovi, mo ni pipi, mo ni uviki pipi, ti na tamate loa e ia latou i le kele, o kai mo le toto.

Uluaki tosi a Samuele 14:33

Na fakasa loa le nea lena kia Saulo, o pati : Ko leinei, kua agasala le kakai ki le Eteleno, o tupu kua kai e ia mo le toto. Na pati loa Saulo : Kua kotou fai se agatuu ; kotou aumai nei kiate au se fatu lasi.