Tetelonome 12:21 - Tosi Tapu

²¹ Kapau e mamao meiate koe le ganea leia e filifili loa e le Eteleno, lou Atua, ke fakanofo ai lona suafa, e feala loa ke ke tamate se manu lasi pe ko se manu ikiiki, o fai ki le nea leia kua kau fakatotonu atu kiate koe, ti e feala loa ke ke kai a ia o fai ki lou loto.

Tetelonome 12:21 ပူးပေါင်းရင်းမြစ်များ

Uluaki tosi o Sau 14:21

Na sau loa Lopoamo, vosa o Salomone, i Suta. Na fetuu kau fa tupu tasi a ia i le temi na sau ai, ti na sau loa a ia i fetuu e kau agafulu tupu fitu i Selusalemi, le kolo leia na filifili e le Eteleno i faasiga fuli o Iselaele ke tuku ai lona suafa. Na igoa lona tinana ko Naama, ko se fafine Amone.

Lua tosi o Koloniko 12:13

Na toe fakamakeke loa le sau ko Lopoamo i Selusalemi ti na toe liliu loa a ia ko le sau, ti na sau loa a ia i fetuu e kau fa tupu fitu i Selusalemi, le kolo leia na filifili e le Eteleno i faasiga fuli o Iselaele ke agai ai lona suafa. Na igoa lona tinana ko Naama, fafine Amone.

Esetalasi 6:12

Ke maumaui e le Atua, leia e agai lona suafa i le ganea lena, a sau fuli mo kakai fuli ala e falo loa olatou lima ke maumaui laku fakatotonu, ti mo maumaui le fale lena o le Atua i Selusalemi ! Ko au, Taliusi, na kau tuku le fakatotonu leinei. Ke fai katoa a ia.

Ekesote 20:24

E ke fakatuu loa kiate au se aletale kele, ti e ke momoli loa i ai au failaulau mo au sakilifisio fakafetai, mo au ovi fafine, mo au pipi tagata. I ganea fuli ala e kau fakamanatu ai loa loku suafa, e kau au loa kiate koe, ti e kau tapuaki loa kiate koe.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:15

Kae logo ai, ka ke loto loa ki ai, e feala loa ke ke tamate se manu ti mo kai se kanoi manu i ou matapa fuli, o mulimuli ki tapuakina fuli ala e tuku atu loa kiate koe e le Eteleno lou Atua ; e feala loa ke kai ki ai leia e kelekele mo leia e mea, ofaipe le kai o se kaseli mo se tia.

Tetelonome 12:20

Ka fakalasi loa e le Eteleno, lou Atua, ou koiga, o mulimuli ki lana fakapapau kiate koe, ti ke pati loa o tupu ko lou fia kai ki se kanoi manu : e kau fia kai loa ki se kanoi manu ! e feala loa ke ke kai a ia, o fakalogo ki lou loto.

Tetelonome 12:22

E ke kai loa a ia ofaipe le kai o le kaseli mo le tia. E feala loa ke kai a ia e leia e kelekele mo leia e mea.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:6

kae e ke momoli loa le Pasikate i le ganea leia e filifili loa e le Eteleno, lou Atua, ke nofo ai lona suafa, i le afiafi, i le vilo o le laa, i le ola totonu leia na ke mavae ai i Esipito.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.