Tetelonome 12:18 - Tosi Tapu

¹⁸ Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:18 ပူးပေါင်းရင်းမြစ်များ

Pesalemo 32:11

Kau agatonu ! ke kotou fiafia i le Eteleno ti ke kotou nekenekea ! Ke kotou fai ni kalaga fakafiafia, koutou fuli ala e loto sako !

Pesalemo 68:3

Ofaipe le afu leia e viligia, e ke pusii latou ke puli ; Ofaipe le sua o le silo i le afi, e pupuli a tagata agaveli i mua o le Atua.

Taagapati 3:17

Ko ona ala ko ni ala malilie, Ti ko ona ala liliki fuli e tokamalie.

Ekelesiasi 3:12

Na kau iloa mei ai e leaise malie se nea ki le tagata, kae ke fakafiafia a ia ti mo mauli fimalie ;

Ekelesiasi 5:18

Kae kapau na soli e le Atua ki se tagata ni koloa mo ni nea malilie, ti kapau na tuku e ia ke pule le tagata lena ki ona koloa o kai, mo too lona vaega, ti mo fiafia i loto malie o lana gaoi, ko le nea lena ko se nea alofa a ia o le Atua.

Esaia 12:3

E kotou asu loa le vai i le fiafia I matapuna o le mauli,

Gaoi 16:34

Ti na taki loa e ia laua ki lona fale, o tuku loa e ia se nea kai kia laua, mo fiafia a ia mo lona famili katoa, i lana kua tui ki le Atua, mo lona famili.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Tetelonome 12:14

kae ke ke momoli loa latou i le ganea e tasi leia e filifili loa e le Eteleno, i se tasi o okoutou faasiga, ti ko lena le ganea leia e tonu ke fai ai loa a nea fuli ala e kau fakatotonu atu kiate koe.

Tetelonome 12:19

Ke ke tokaga ai na ke galoi loa le Levi i se aso, i le temi katoa leia e ke mauli ai loa i lou fenua.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 15:20

Kae e ke kai loa latou i fetuu fuli, e koe mo lou famili, i mua o le Eteleno, lou Atua, i le ganea leia e filifili loa e ia.

Uluaki tosi a Samuele 1:4

I le aso leia na momoli ai e Elekana lana sakilifisio, na soli e ia ni vaega kia Penina, lana avaga, mo ona vosa, mo taineliki fuli ala na maua e ia iate ia.