Tetelonome 12:13 - Tosi Tapu

¹³ Ke ke tokaga ai na ke momoli loa au failaulau i ganea tapu fuli ala e ke tio loa ki ai ;

Tetelonome 12:13 ပူးပေါင်းရင်းမြစ်များ

Uluaki tosi o Sau 15:34

Na fai loa e ia le nea leia e veli ki mata o le Eteleno, ti na saele loa a ia i le ala o Selopoamo, o fai a agasala ala na fakaagasalai ai e Selopoamo a Iselaele.

Uluaki tosi o Sau 3:2

I le temi lena, na momoli e le kakai alatou sakilifisio i ganea taualuga o le fenua, talie na leikiaise fakatuu se fale ki le suafa o le Eteleno.

Lua tosi o Koloniko 15:17

Kae na leaise puli loa a ganea taualuga i Iselaele, logo ai na pipiki katoa le loto o Asa ki le Eteleno i lona mauli katoa.

Tetelonome 12:11

Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:14

kae ke ke momoli loa latou i le ganea e tasi leia e filifili loa e le Eteleno, i se tasi o okoutou faasiga, ti ko lena le ganea leia e tonu ke fai ai loa a nea fuli ala e kau fakatotonu atu kiate koe.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 12:6

Ko lena loa le ganea leia e tonu ke kotou momoli ai loa akoutou failaulau, mo akoutou sakilifisio, mo akoutou vaega kau agafulu, mo akoutou moliga alofa, mo akoutou moliga ki ni fakapapau, mo manu uluaki o akoutou kau manu lalasi mo akoutou kau manu liliki.

Sosue 22:15

Na lotou ano loa ki le fenua o Kalaate ki vosa o Lupeni, mo vosa o Kate, ti mo vosa o le vaelua o Manase, ti na lotou masau loa, o pati :

Sosue 22:29

Ke mamao ia matou le manatu ke motou patigataa ki le Eteleno ti ke motou tiaki le Eteleno i le aso nei, o fakatuu se aletale ke momoli ai ni failaulau, mo ni moliga, ti mo ni sakilifisio, kae tiaki le aletale o le Eteleno, lotatou Atua, leia e tuu i mua o lona nofoaga !