Tetelonome 12:12 - Tosi Tapu

¹² Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:12 ပူးပေါင်းရင်းမြစ်များ

Uluaki tosi o Sau 8:66

I le valu o aso, na kakau loa e Salomone le kakai ; ti na lotou tapuaki loa ki le sau, ti na lotou tasi ano loa ki lona falela i le loto nekenekea mo le loto fiafia o tupu ko nea malilie fuli ala kua fai e le Eteleno kia Tavite, lana tagata fakasausau, ti mo Iselaele, lona kakai.

Lua tosi o Koloniko 29:36

Na fiafia loa a Esekiasi mo le kakai katoa, o tupu na teuteui e le Atua lona kakai, talie na soko fakapunamauli le nea lena.

Neemia 8:9

Ko Neemia, leia ko le kovana, mo Esetalasi, leia ko le tagata faisakilifisio mo le sekelipa, ti mo le kau Levi, ala na ako ia le kakai, na pati loa ki le kakai katoa : Ko le aso leinei e fakatapui ki le Eteleno, lokoutou Atua ; aua na kotou nofo i le mamae mo le tagi, talie kua fetagisi le kakai katoa i le logo ki folafola o le lao.

Pesalemo 147:1

Kotou fakafetai ki le Eteleno ! Talie e fulumalie ke sua fakafetai ki lotatou Atua ; Talie e malie ti e gali ke fakafetai kiate ia.

Levitiko 23:40

I le uluaki aso, e kotou too loa ni fuai laakau malilie, mo ni lau palemie, mo ni taaulu laakau lalasi, ti mo ni taaulu laakau ko le sole ; ti kotou fakafiafia loa i mua o le Eteleno, ko lokoutou Atua, i ni aso e fitu.

Numelo 18:20

Na pati loa le Eteleno kia Alone : E leaise ke maua ia loa se tofiga i lolatou fenua, ti e leaise ke maua ia loa se vaega i loto malie o latou ; ko au ko lou vaega mo lou tofiga, i loto malie o fanau a Iselaele.

Numelo 18:26

E ke masau loa ki le kau Levi, ti ke pati loa kia latou : Ka kotou tali loa mei fanau a Iselaele le vaega kau agafulu leia e kau soli kia koutou meia latou ofaipe sokoutou tofiga, e too loa i ai se moliga ki le Eteleno, ko se vaega kau agafulu o le vaega kau agafulu ;

Soane 13:8

Na pati loa Petelo kiate ia : Leai, e leaise ke fufulu loa oku vae. Na tali loa Sesu kiate ia : Kapau e leaise kau fufulu a koe, ti e leaise ke kau loa mo au.

Gaoi 8:21

E leaise ke maua sou vaega fua i le nea lena, talie e leaise sako lou loto i mua o le Atua !

Tetelonome 10:9

Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:19

Ke ke tokaga ai na ke galoi loa le Levi i se aso, i le temi katoa leia e ke mauli ai loa i lou fenua.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 16:14

E ke fakafiafia loa i le aso lena, a koe mo lou vosa, mo lou taine, mo lau tagata fakasausau, mo lau fafine fakasausau, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa mo koe.

Tetelonome 18:6

Ka mavae loa le Levi i se kolo o Iselaele leia e nofo ai, ke ano, o mulimuli ki lona loto katoa, ki le ganea leia e filifili loa e le Eteleno,

Tetelonome 26:11

Ti oki, ti ke fakafiafia loa mo le Levi, mo le matapule leia e nofo i loto malie o ou, ki nea malilie fuli ala na soli loa kiate koe mo lou famili e le Eteleno, lou Atua.

Tetelonome 26:12

I fetuu tolu fuli, e soko ai loa le fetuu o le vaega kau agafulu. Ka oki loa lau too le vaega kau agafulu, leia ko le vaega kau agafulu o au nea fuli, e ke tuku loa a ia ki le Levi, mo le matapule, mo le fanau leia e sala tamana, mo le fafine leia e sala avaga. E lotou kai loa a ia ti e lotou makona loa i le ganea lena e ke nofo ai.

Tetelonome 27:7

E ke momoli foki mo ni sakilifisio fakafetai, ti e ke kai loa i lena ti mo ke fakafiafia loa i mua o le Eteleno, lou Atua.

Sosue 13:14

Ko le faasiga o Levi toka tasi na leaise soli ki ai se tofiga e Moisese ; ko sakilifisio tutu e le afi i mua o le Eteleno, le Atua o Iselaele, ko lena lona tofiga, o mulimuli ki le nea leia na fakasa kiate ia.

Sosue 13:33

Na leaise soli loa e ia se tofiga ki le faasiga o Levi ; ko le Eteleno, ko le Atua o Iselaele, ko lena lona tofiga, ofai ki lana fakasa kiate ia.

Sosue 14:4

Na nofo a vosa o Sosefo mo faasiga e lua, ko Manase mo Efalaimi. Ti na leaise soli loa se vaega ki le kau Levi i le fenua, gato fai ki kolo ala ke lotou nonofo ai, ti mo olatou tafatafa ki alatou kau manu mo alatou koloa.