Tetelonome 12:11 - Tosi Tapu

¹¹ Ti e ia loa se ganea leia e filifili loa e le Eteleno, lokoutou Atua, ke fakanofo ai lona suafa. Ko lena loa le ganea leia e tonu ke kotou ave ki ai a nea fuli ala na kau fakatotonu kia koutou, akoutou failaulau, mo akoutou sakilifisio, mo vaega kau agafulu, mo uluaki fua, mo akoutou moliga fuli ala kua kotou fakapapau ke fai ki le Eteleno ke fakasoko ai akoutou fakapapau.

Tetelonome 12:11 ပူးပေါင်းရင်းမြစ်များ

Uluaki tosi o Sau 12:27

Kapau e pale le kakai leinei ki Selusalemi o momoli ni sakilifisio i le fale o le Eteleno, e toe liliu loa le loto o le kakai leinei ki lolatou aliki ko Lopoamo, sau o Suta, ti e lotou tamate loa au kae lotou toe liliu loa kia Lopoamo, sau o Suta.

Uluaki tosi o Sau 8:13

Kae kua kau fakatuu se fale leia e liliu loa ko lou fale, se ganea leia e ke nofo ai loa o lee gato !

Uluaki tosi o Sau 8:16

Talu mei le aso leia na kau fakamavae ai mei Esipito loku kakai ko Iselaele, na leaise kau filifili fua se kolo i faasiga fuli o Iselaele, ke fakatuu ai se fale ki loku suafa, kae na kau filifili Tavite ke pule ki loku kakai ko Iselaele !

Uluaki tosi o Sau 8:29

O tupu ke agai ou mata ki le fale leinei i le po mo le ao, ki le ganea leia na ke pati ki ai : E kau fakasa loa i ai loku agai. Fakalogo mai ki le kole leia e fai atu kiate koe e lau tagata fakasausau i le ganea leinei.

Lua tosi o Sau 18:22

E lagi kotou pati mai loa : Ko le Eteleno, lomatou Atua, leia e motou fanaki ki ai. Pe leaise ko ia leia na fakapuli e Esekiasi ona ganea taualuga mo ona aletale, o pati ki Suta mo Selusalemi : E kotou punou loa i mua o le aletale leinei i Selusalemi ?

Uluaki tosi o Koloniko 22:1

Ti na pati loa Tavite : I leinei e tuu ai loa le fale o le Eteleno Atua, i leinei e tuu ai loa le aletale o failaulau a Iselaele.

Lua tosi o Koloniko 6:20

Ke ke tuku tuumau ou mata i le ao mo le po ki le fale leinei, ki le ganea leia kua ke pati ki ai : E agai loa i ai loku suafa ! Ke ke fakalogo ki le kole leia e fai e lau tagata fakasausau i le ganea leinei.

Lua tosi o Koloniko 7:12

na sa loa le Eteleno kia Salomone i le pouli, o pati kiate ia : Kua kau tali lau kole ti kua kau filifili le ganea leinei ofaipe le fale leia e tonu loa ke momoli mai ai kiate au ni sakilifisio.

Esetalasi 6:12

Ke maumaui e le Atua, leia e agai lona suafa i le ganea lena, a sau fuli mo kakai fuli ala e falo loa olatou lima ke maumaui laku fakatotonu, ti mo maumaui le fale lena o le Atua i Selusalemi ! Ko au, Taliusi, na kau tuku le fakatotonu leinei. Ke fai katoa a ia.

Pesalemo 100:2

Kotou fakasausau ki le Eteleno i le fiafia, Kotou au ki lona agaiaga i se fiafia lasi !

Pesalemo 116:17

E kau momoli loa kiate koe se sakilifisio fakafetai, Ti e kau fetapa loa ki le suafa o le Eteleno ;

Pesalemo 66:13

E kau ano loa ki lou fale mo ni failaulau, E kau fai loa aku fakapapau kiate koe :

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Ekesote 25:8

E lotou fau loa se sagatualio kiate au, ti e kau nofo loa i loto malie o latou.

Ekesote 29:45

E kau nofo loa i loto malie o fanau a Iselaele, ti e kau liliu loa ko lolatou Atua.

Selemia 7:12

Kotou ano ki le ganea leia na fakatapui kiate au i Silo, Leia na kau fakaagai ai loku suafa i mua. Ti kotou tio pe na kau fai feaki a ia, O tupu ko le agaveli o loku kakai ko Iselaele.

Levitiko 17:4

ti e leaise aumai loa e ia a ia ki le uluaga o le falela tapu, o momoli ki le Eteleno, i mua o le falela o le Eteleno, e lau loa le toto ki le tagata lena ; kua liligi e ia le toto, e tuuti loa le tagata lena mei lona kakai.

Tetelonome 12:13

Ke ke tokaga ai na ke momoli loa au failaulau i ganea tapu fuli ala e ke tio loa ki ai ;

Tetelonome 12:14

kae ke ke momoli loa latou i le ganea e tasi leia e filifili loa e le Eteleno, i se tasi o okoutou faasiga, ti ko lena le ganea leia e tonu ke fai ai loa a nea fuli ala e kau fakatotonu atu kiate koe.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 12:21

Kapau e mamao meiate koe le ganea leia e filifili loa e le Eteleno, lou Atua, ke fakanofo ai lona suafa, e feala loa ke ke tamate se manu lasi pe ko se manu ikiiki, o fai ki le nea leia kua kau fakatotonu atu kiate koe, ti e feala loa ke ke kai a ia o fai ki lou loto.

Tetelonome 12:26

Kae ke ke ave loa ki le ganea leia e filifili loa e le Eteleno a nea ala e ke loto loa ke fakatapui ki le Eteleno mo moliga ala e ke fai loa ke fakasoko ai se fakapapau.

Tetelonome 12:5

Kae ke kotou afa loa a ia i lona nofoaga, ti ke kotou ano loa ki le ganea leia e filifili loa e le Eteleno, lokoutou Atua, i okoutou faasiga fuli, ke nofo ai lona suafa.

Tetelonome 14:23

Ti e ke kai loa i mua o le Eteleno, lou Atua, i le ganea leia e filifili loa e ia ke fakasa ai lona suafa, le vaega kau agafulu o lau fulumeto, mo lau vino, mo lau lolo, mo manu uluaki o lau kau pipi, mo lau kau ovi, mo lau kau koti, o tupu ke ke ako le fakaapaapa tuumau ki le Eteleno, lou Atua.

Tetelonome 15:19

E ke fakatapui loa ki le Eteleno, lou Atua, a manu tagata uluaki fuli ala e tupu loa i lau kau manu lalasi mo lau kau manu liliki. Ke aua na ke fakagaoi loa le pipi tagata uluaki, ti ke aua na ke koti loa a fulu o le ovi tagata uluaki.

Tetelonome 15:20

Kae e ke kai loa latou i fetuu fuli, e koe mo lou famili, i mua o le Eteleno, lou Atua, i le ganea leia e filifili loa e ia.

Tetelonome 17:8

Kapau e leaise mafai e se fono fakakolo ke fakamaaui ia se nea o uiga mo se tukipo, pe ko se lavea, pe ko se tasi ake a nea, e feala loa ke ke ano o ave a ia ki le ganea leia e filifili loa e le Eteleno, lou Atua.

Tetelonome 18:6

Ka mavae loa le Levi i se kolo o Iselaele leia e nofo ai, ke ano, o mulimuli ki lona loto katoa, ki le ganea leia e filifili loa e le Eteleno,

Tetelonome 23:16

E nofo loa a ia i lou fale, i loto malie o lou kakai, i le ganea leia e loto a ia ki ai, i le kolo leia e malie kiate ia ; ke aua na ke fakamakeke loa kiate ia.

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.

Tetelonome 31:11

i le aso leia e ano ai loa Iselaele katoa ki mua o le Eteleno, lou Atua, i le ganea leia e filifili loa e ia, e ke lau loa le lao leinei i mua o Iselaele katoa, o tupu ke lotou logo ki ai.

Sosue 18:1

Na fakatasi loa le kakai katoa o fanau a Iselaele i Silo. Na lotou fakatuu loa i ai le falela tapu. Na fakalogo le fenua katoa kia latou.

Sosue 22:11

Na logo loa a fanau a Iselaele ki le masau : Ko leinei kua fakatuu loa e fanau o Lupeni, mo Kate, ti mo le vaelua o Manase, se aletale i le kauvai o le Solotane, i lotatou fetuu, i le fenua o Kanaane.

Sosue 22:16

Ko leinei le nea leia na fakasa e le fono katoa a le Eteleno : Kolea kua kotou fai ai le sala lasi leinei ki le Atua o Iselaele ? Kolea kua kotou tiaki ai i le aso nei le Eteleno, o kotou fakatuu se aletale ke kotou fakafesagai ai i le aso nei ki le Eteleno ?

Sosue 22:23

Kapau na motou fakatuu ia se aletale kia matou ke motou agatuu ai ki le Eteleno, o momoli i ai ni failaulau, mo ni moliga nea kai, ti mo ni sakilifisio fakafetai, ke totogi loa e le Eteleno kia matou !

Sosue 22:27

kae ke tuu ko se fakamaoki, kia koutou mo matou, ki okoutou sakoga mo omatou sakoga ki muli, e motou fia tausi ki le Eteleno i ona mua ki ni failaulau, mo ni sakilifisio fakamalie, mo ni sakilifisio fakafetai, ti mo ni moliga nea kai, ti ke aua na pati loa okoutou vosa ki omatou vosa i se aso ki muli : E leaise kotou kau ki le Eteleno !

Sosue 22:29

Ke mamao ia matou le manatu ke motou patigataa ki le Eteleno ti ke motou tiaki le Eteleno i le aso nei, o fakatuu se aletale ke momoli ai ni failaulau, mo ni moliga, ti mo ni sakilifisio, kae tiaki le aletale o le Eteleno, lotatou Atua, leia e tuu i mua o lona nofoaga !

Sosue 9:27

kae na tuku loa e Sosue kia latou, talu mei le aso lena, ke lotou tuuti ia le fafie mo asu ia le vai ki le fakatasiga mo le aletale o le Eteleno, i le ganea leia e filifili loa e le Eteleno. Na lotou fai loa le nea lena o kaku mai ki le aso nei.

Uluaki tosi a Samuele 1:21

Ti na pale loa lona avaga ko Elekana mo lona fale katoa, o momoli ki le Eteleno le sakilifisio o le fetuu, ti mo fakasoko lana fakapapau.