Tetelonome 12:10 - Tosi Tapu

¹⁰ Kae e kotou fakalaka loa i le Solotane, ti e kotou nonofo loa i le fenua o le tofiga leia e soli atu loa kia koutou e le Eteleno, lokoutou Atua ; e tuku atu loa e ia le malolo kia koutou, i le oki o lana saofaki koutou mei okoutou fili fuli ala e takatakai ia koutou, ti e fakanofo loa e ia koutou i le fimalie.

Tetelonome 12:10 ပူးပေါင်းရင်းမြစ်များ

Uluaki tosi o Sau 4:25

Na nofo Suta mo Iselaele, mei Tane o kaku ki Peele-Sepa, i le tokamalie, ti na tasi tokaga le tagata ki lana vite mo lana fiki, i le temi katoa o Salomone.

Uluaki tosi o Sau 8:56

Ke fakafetai ki le Eteleno, leia kua soli ia le malolo ki lona kakai ko Iselaele, o mulimuli ki ana fakapapau fuli ! Ke fakafetai ki le Eteleno o uiga mo folafola malilie fuli ala na fai e ia ki le gutu o Moisese, lana tagata fakasausau, talie na leaise vilo noa se folafola fua e tasi.

Uluaki tosi o Koloniko 22:18

Pe leaise nofo le Eteleno, lokoutou Atua, mo koutou ? pe na leaise tuku atu e ia kia koutou le tokamalie mei potu fuli ? Talie kua tuku e ia ki oku lima le kakai o le fenua ti kua popula le fenua ki le Eteleno mo lona kakai.

Pesalemo 4:8

E ke tuku ki loku loto se fiafia o lasi ake i leia e lotou maua Mo ka lasi lolatou fulumeto mo lolatou vino.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Taagapati 1:33

Kae ko leia e fakalogo kiate au e malolo loa i le tokamalie, E mauli loa a ia i le fimalie ti e leaise toe tuania loa e ia se nea veli.

Selemia 23:6

I lona temi, e fakamauli loa a Suta, E maua loa e Iselaele le fimalie i lona nofoaga ; Ti ko leinei le igoa leia e fakaigoa loa a ia ki ai : Le Eteleno lomatou faitotonu.

Selemia 32:37

Ko leinei, e kau fakatasi mai loa latou mei fenua fuli ala na kau kapu latou ki ai, I loku mamae, mo loku sausau, mo loku fitaa lasi ; E kau toe aumai loa latou ki le ganea leinei, Ti e kau fakanonofo loa latou i ai, i le fimalie.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Esekiele 28:26

E lotou nonofo loa i ai i le tokamalie, ti e lotou fakatuu loa ni fale, ti e lotou to loa ni faisaga vite ; e lotou nonofo loa i ai i le fimalie, i le aso leia e kau fai ai loa aku fakamaau kia latou fuli ala e takatakai ia a ia mo vesia kiate ia. Ti e lotou iloa loa ko au ko le Eteleno, ko lolatou Atua.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Esekiele 34:28

E leaise toe kaia loa latou e atu puleaga, ti e leaise toe sae loa latou e manu o le fenua, ti e lotou mauli fimalie loa, ti e leaise toe fakamamae loa latou e se tasi.

Esekiele 38:11

E ke pati loa : E kau pale loa ki se fenua mavaa, E kau osoi loa ni tagata fimalie I olatou nofoaga, Ti e nonofo fuli i ni kolo sala kaua takai, Ti e leaise maua ia ni loka mo ni matapa.

Esekiele 38:8

E sili loa ni aso mauke, e ke nofo loa ko lolatou pule ; E oki loa ni fetuu, e ke saele loa ki le fenua Leia na sao lona kakai i le seleta, Ti na fakatasi mei ni fenua mauke Ki mauga o Iselaele ala na lavaki fualoa. E lotou nofo kese loa i atu puleaga, E lotou fimalie loa i olatou nofoaga.

Tetelonome 11:31

Talie kua vave fua lakotou fakalaka i le Solotane, o ano o too le fenua leia e soli kia koutou e le Eteleno, lokoutou Atua. Ke kotou too a ia ti ke kotou maua tofiga a ia.

Tetelonome 3:27

Pale ki le tumutumu o le mauga ko Pisika, ti ke fakamavaa lasi loa ou mata, o tio ki le uesite, mo le noleto, mo le saute, mo le esite ; talie e leaise ke fakalaka loa i le Solotane lena.

Tetelonome 33:12

Kia Pesamino, na pati a ia : Ko le alofaaga a ia o le Eteleno, E nofo fimalie loa a ia i ona tafa ; E puipui loa a ia e le Eteleno, o lee gato, Ti e nofo loa a ia i ona tuauma.

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.

Tetelonome 4:22

E kau mate loa i le fenua leinei, e leaise kau fakalaka loa i le Solotane. Kae ko koutou, e kotou fakalaka loa, ti e kotou maua loa le fenua malie lena.

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Sosue 11:23

Na too loa e Sosue le fenua katoa, o mulimuli ki nea fuli ala na fakasa e le Eteleno kia Moisese. Ti na tuku loa a ia e Sosue ki Iselaele ko lona tofiga, o vaevae i faasiga o Iselaele. Ti na malolo loa le fenua i le tau.

Sosue 14:1

Ko nei a tofiga na maua loa e fanau a Iselaele i le fenua o Kanaane, ala na tufa e le tagata faisakilifisio ko Eleasale, mo Sosue, vosa o Nune, ti mo pule o famili o faasiga o Iselaele ki fanau a Iselaele.

Sosue 3:17

Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Sosue 4:12

Ti na saele loa a vosa o Lupeni, mo vosa o Kate ti mo vosa o Manase mo alatou masafu i mua o fanau a Iselaele, o mulimuli ki le pati a Moisese kia latou.

Uluaki tosi a Samuele 7:12

Na too loa e Samuele se fatu o fakatuu i le vasa o Misipa mo Sene, ti na fakaigoa loa e ia a ia ko Epene-Esele, o pati : Kua tokoi mai le Eteleno kia tatou o kaku mai ki le aso nei.