Tetelonome 11:24 - Tosi Tapu

²⁴ E kotou maua loa ganea fuli ala e takafi loa e le taga vae o lokoutou vae : e kamata atu loa lokoutou koiga i le toafa o kaku ki Lipane, ti mo le vaitafe ko le Eufalate o kaku ki le tai uesite.

Tetelonome 11:24 ပူးပေါင်းရင်းမြစ်များ

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Uluaki tosi o Sau 4:24

Na pule a ia ki le fenua katoa i leia atu fetuu o le vaitafe, mei Tifesake o kaku ki Kasa, ki sau fuli o leia atu fetuu o le vaitafe. Ti na maua e ia le tokamalie mei potu fuli.

Lua tosi o Koloniko 9:26

Na pule a ia ki sau fuli, mei le vaitafe ko le Eufalate o kaku ki le fenua o le kau Filisitini, o kaku ki le koiga o Esipito.

Ekesote 23:31

E kau fakatuu loa ou koiga mei le tai Kula o kaku ki le tai o le kau Filisitini, mei le toafa o kaku ki le vaitafe ; talie e kau tuku loa ki ou lima a kakai o le fenua, ti e ke kapu loa latou i ou mua.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Tetelonome 1:7

Kotou maliu, o ano ; kotou ano ki le mauga o le kau Amole, mo fenua ala e ofi ki ai, i le fenua laumalie, i le fenua o mauga liliki, i le fenua o le Solotane, i le fenua saute, i le fenua o le mata tai, i le fenua o le kau Kanaane mo le Lipane, o kaku ki le vaitafe lasi ko le Eufalate.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 12:20

Ka fakalasi loa e le Eteleno, lou Atua, ou koiga, o mulimuli ki lana fakapapau kiate koe, ti ke pati loa o tupu ko lou fia kai ki se kanoi manu : e kau fia kai loa ki se kanoi manu ! e feala loa ke ke kai a ia, o fakalogo ki lou loto.

Tetelonome 34:2

Ki Kalaate o kaku ki Tane, mo Nefetali katoa, mo le fenua o Efalaimi mo Manase, mo le fenua katoa o Suta o kaku ki le tai Metitelanea,

Sosue 14:9

Ti na fakapapau loa Moisese i le aso lena, o pati kiate au : E maoki, ko le fenua leia na takafi e lou vae e liliu loa ko lou tofiga ti mo le tofiga o ou vosa o lee gato, o tupu na ke mulimuli katoa i le ala o le Eteleno, lou Atua.