Tetelonome 11:16 - Tosi Tapu

¹⁶ Koia, ke kotou tokaga ai, na kakaai loa okoutou loto, o kotou maliu loa o tausi ki ni atua kese ti mo punou loa kia latou.

Tetelonome 11:16 ပူးပေါင်းရင်းမြစ်များ

Uluaki tosi o Sau 8:35

Kapau e tapono loa le lagi, ti e leaise toe to loa se ua, o tupu ko alatou agasala kiate koe, kapau e lotou faikole loa i le ganea leinei mo fakavikiviki ki lou suafa, ti kapau e lotou tafoki loa mei alatou agasala, talie na ke tautea loa latou,

Sopo 31:27

Ti kapau na sese loku loto, Ti na kau atolasio fakafufu ki nea ana ofaipe ni atua ;

Esaia 44:20

E kai makona a ia ki le mugalafu, E fakasese a ia e lona loto fakapouli, Ti e leaise fakamauli loa e ia lona laumalie, ti e leaise pati loa a ia : Pe leaise ko se loi leinei e kau too i loku lima ?

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 21:8

Na tali loa Sesu : Kotou tokaga na kakaai koutou. Talie e au loa le toka api i loku suafa, o pati : Ko au ko Kilisito, ti, kua ofi mai le temi. Aua na kotou muli ia latou.

Tetelonome 12:30

ke ke tokaga ai na ke vilo loa ki le masele o faifaitaki kia latou, i le oki o lau maumaui latou. Ke ke tokaga ai na ke fia ilo loa ki olatou atua, o ke pati loa : E feaki le atolasio o puleaga anei ki olatou atua ? Ko au foki, e kau fia fakatatau kia latou.

Tetelonome 13:3

ke aua na ke fakalogo loa ki masau a le polofeta lena pe ko le tagata fai kikite lena, talie ko le Eteleno, lokoutou Atua, lena e asiasii ia koutou ke iloa pe kotou alofa ki le Eteleno, lokoutou Atua, i lokoutou loto katoa mo lokoutou laumalie katoa.

Tetelonome 17:3

talie na ano loa a ia, o tausi ki ni iki ake atua kese ti mo atolasio kia latou, pe ko le laa, pe ko le masina, pe ko le fuatau katoa o le lagi. E leaise ko le nea lena na kau fakatotonu.

Tetelonome 28:14

mo kapau e leaise ke maliu loa ki le fetuu atamai pe ko le fetuu sema o folafola fuli ala e kau tuku atu kia koutou i le aso nei, o pipiki loa ki ni atua kese ti mo su loa kia latou.

Tetelonome 29:17

Na kotou tio ki taulaatua fakalialia fuli ala e atolasio ki ai a puleaga ana, ko ni atua ala e fau ki laakau mo fatu, ti e teuteu ki le paaga mo le aulo.

Tetelonome 29:18

Ke aua na maua loa ia koutou se tagata pe ko se fafine, pe ko se famili pe ko se faasiga, leia e veli lona loto ke maliu i le aso nei mei le Eteleno, lotatou Atua, o ano o tausi ki atua o puleaga ana. Ke aua na maua loa ia koutou se aka leia e fakatupu ia se au kona mo se kava kona.

Tetelonome 30:17

Kae kapau e maliu kese loa lou loto, ti kapau e leaise ke fakalogo loa, ti kapau e ke tuku loa a koe ke ano o punou ti mo tausi ki ni atua kese,

Tetelonome 31:20

Talie e kau fakaulu loa le kakai leinei ki le fenua leia na kau fakapapau ki olatou tamana ke soli kia latou, le fenua leia e sali ai le sua manu mo le meli. E kai loa le kakai leinei, ti e makona loa a ia, ti e peti loa a ia ; ti e maliu loa a ia ki ni atua kese o atolasio kia latou, kae e vesia loa a ia kiate au, ti e maumaui loa e ia laku sai.

Tetelonome 4:23

Ke kotou tokaga ai kia koutou totonu, ke aua na kotou galoi loa le fakapapau leia kua sai e le Eteleno, lokoutou Atua, mo koutou, ti ke aua na kotou fai loa se fakatata o se nea fua e tasi, leia kua tapui atu kiate koe e le Eteleno, lou Atua.

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 5:7

Ke aua na ke maua loa ni atua kese iate au.

Tetelonome 8:19

Kapau e ke galoi loa le Eteleno, lou Atua, o ke pipiki loa ki ni iki atua kese, ti kapau e ke tausi loa ti mo ke atolasio loa kia latou, e kau fakapapau atu kia koutou i le aso nei e kotou mamate loa.

Epelo 12:15

Ke kotou tokaga na tausala se tasi i le kalasia o le Atua, ti ke aua na i ai fua se aka kona, leia e somo ai ni uli mo fakatupu ia se mamae, ti ke kelekele ai se toka api.

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 4:1

Koia ke tou i, i le temi leinei koi tuu ai le fakapapau ke kotou ulu ki lona maloloaga, ke aua na ulu tausala se tasi o koutou ki ai.

Sakopo 1:26

Kapau e manatu se tasi e tausi lotu a ia, kae e leaise taofi e ia lona alelo, mo kakai e ia lona loto totonu, e leaise aoga le lotu o le tagata lena.

Uluaki tosi a Soane 5:21

Fanau liliki, kotou fakamamao mei taulaatua.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Uluaki tosi a Samuele 12:20

Na pati loa Samuele ki le kakai : Aua na kotou i ! Kua kotou fai le veli katoa lena ; kae ke aua na kotou maliu kese loa mei le Eteleno, kae ke kotou tausi loa ki le Eteleno i lokoutou loto katoa.

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.