Tetelonome 10:9 - Tosi Tapu

⁹ Koia leia e leaise maua loa e Levi sona vaega pe ko sona tofiga mo ona fetaina : ko lona tofiga ko le Eteleno, o mulimuli ki le pati a le Eteleno, lona Atua kiate ia.

Tetelonome 10:9 ပူးပေါင်းရင်းမြစ်များ

Esekiele 44:28

Ko leinei le tofiga leia e lotou maua loa : Ko au totonu ko lolatou tofiga. E leaise kotou soli loa kia latou se tofiga i Iselaele : Ko au totonu ko lolatou tofiga.

Numelo 26:62

Ko latou fuli ala na tosi loa, a tagata fuli mei le masina tasi o fai ki aluga, ko le 23 000. Na leaise tosi loa latou i le tosi o fanau a Iselaele, talie na leaise tonu loa ke soli kia latou se tofiga ofaipe la ake fanau a Iselaele.

Gaoi 8:21

E leaise ke maua sou vaega fua i le nea lena, talie e leaise sako lou loto i mua o le Atua !

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 14:27

Ke aua na ke tiaki loa le Levi leia e nofo loa i ou matapa, talie e leaise maua e ia se vaega mo se tofiga mo koe.

Tetelonome 14:29

Ti e au loa le Levi, leia e leaise maua ia se vaega mo se tofiga mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i ou matapa, ti e lotou kai loa ti e lotou makokona loa, o tupu ke tapuaki loa kiate koe le Eteleno, lou Atua, i gaoi fuli ala e fai loa e ou lima.

Sosue 14:3

Talie kua soli e Moisese ni tofiga ki faasiga e lua ti mo le vaelua i le fetuu esite o le Solotane ; kae na leaise soli loa e ia se tofiga ki fanau o Levi.