Tetelonome 10:20 - Tosi Tapu

²⁰ Ke ke i ki le Eteleno, lou Atua. Ke ke su kiate ia. Ke ke pipiki kiate ia toka tasi, ti mo ke fakapapau i lona suafa toka tasi.

Tetelonome 10:20 ပူးပေါင်းရင်းမြစ်များ

Lua tosi o Sau 18:6

Na pipiki a ia ki le Eteleno, ti na leaise maliu kese loa a ia mei le Eteleno, ti na tausi e ia a fakatotonu ala na tuku e le Eteleno kia Moisese.

Pesalemo 63:11

E tuku loa latou ki le seleta, E lotou liliu loa ko le nea kai a kuli vao.

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Luka 4:8

Na tali loa Sesu kiate ia : E tuu i le tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Gaoi 11:23

I lana kaku ki ai, o tio ki le kalasia o le Atua, na fiafia loa a ia, ti na ako loa e ia latou fuli ke lotou pipiki mau ki le Aliki.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Tetelonome 11:22

Talie kapau e kotou tausi loa a folafola fuli anei e kau tuku atu kia koutou, ti kapau e kotou alofa loa ki le Eteleno, lokoutou Atua, ti kapau e kotou saele loa i ona ala fuli, ti kapau e kotou pipiki loa kiate ia toka tasi,

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 4:4

Kae ko koutou, ala na pipiki loa ki le Eteleno, lokoutou Atua, koi kotou mauli fuli i le aso nei.

Tetelonome 5:11

Ke aua na ke too fakafuanoa loa le suafa o le Eteleno, lou Atua ; talie e leaise tuku loa e le Eteleno ke sala tautea leia e takua noa ki lona suafa.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 23:8

Kae ke kotou pipiki ki le Eteleno toka tasi, lokoutou Atua, ofaipe lakotou fai o kaku mai ki le aso nei.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.