Tetelonome 10:15 - Tosi Tapu

¹⁵ Kae, i le temi mua, na gato tasi ki ou tamana ala na pipiki ki ai le Eteleno, talie na alofa a ia kia latou. I le temi nei, ko koutou, ala ko lolatou sakoga, na filifili e ia i puleaga fuli, ofaipe lakoutou tio ki ai i le aso nei.

Tetelonome 10:15 ပူးပေါင်းရင်းမြစ်များ

Uluaki tosi o Koloniko 16:13

Sakoga o Iselaele, ko lana tagata fakasausau, Fanau a Sakopo, ko ana filifiliia !

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 44:3

Na ke kapu ki lou lima ni puleaga ke fakanofo latou, Na ke taai ni kakai ke fakamafolafola latou.

Amosi 3:2

Kua kau filifili koutou, koutou tefua i famili fuli o le malama nei ; Koia leia e kau tautea ai loa koutou o tupu ko akoutou agaveli fuli.

Numelo 14:8

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Loma 11:28

O uiga mo le Evaselio, kua lotou fili o tupu ko koutou ; kae o uiga mo le filifili, e alofaia latou o tupu ko olatou tamana.

Tetelonome 4:37

Kua alofa a ia ki ou tamana, ti na filifili e ia lolatou sakoga ; ti na fakamavae e ia totonu a koe mei Esipito ki lona makeke lasi ;

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,