Tetelonome 10:12 - Tosi Tapu

¹² I le aso nei, Iselaele, kolea le nea leia e kole atu kiate koe e le Eteleno, lou Atua ? Ke ke i ki le Eteleno, lou Atua, o saele i ona ala fuli, o alofa mo tausi ki le Eteleno, lou Atua, i lou loto katoa mo lou laumalie katoa.

Tetelonome 10:12 ပူးပေါင်းရင်းမြစ်များ

Uluaki tosi o Sau 3:3

Na alofa Salomone ki le Eteleno, ti na mulimuli a ia ki nea fuli ala na fai e Tavite. Kae na momoli e ia a sakilifisio mo kaloni i ganea taualuga.

Lua tosi o Sau 10:31

Kae na leaise tokaga loa Seu ke saele i lona loto katoa i le lao a le Eteleno, le Atua o Iselaele ; na leaise tiaki loa e ia a agasala a Selopoamo ala na tupu ai le agasala o Iselaele.

Lua tosi o Sau 18:3

Na fai loa e ia le nea leia e malie ki mata o le Eteleno, ofaipe le fai katoa a Tavite, lona tamana.

Lua tosi o Sau 18:6

Na pipiki a ia ki le Eteleno, ti na leaise maliu kese loa a ia mei le Eteleno, ti na tausi e ia a fakatotonu ala na tuku e le Eteleno kia Moisese.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:12

Na lotou fakapapau loa ke lotou afa le Eteleno, le Atua o olatou tamana, i lolatou loto katoa mo lolatou laumalie katoa ;

Sopo 36:11

Ti kapau e lotou logo mo fakalogo, Ti e lotou fakaoki loa olatou aso i le fimalie, Ti mo olatou fetuu i le fiafia.

Pesalemo 119:2

Manuia latou ala e tausi ia ana pelesepeto, Ala e afa ia a ia i lolatou loto katoa,

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 145:20

E taupau e le Eteleno latou fuli ala e alofa kiate ia, Kae e maumaui e ia a tagata agaveveli fuli.

Pesalemo 18:1

Ki le pule o le kau sua. Pesalemo a le tagata fakasausau a le Eteleno, ko Tavite, leia na fai ia ki le Eteleno a kupu o le katiko leinei, i lona fakamauli e le Eteleno i le lima o ona fili fuli, mo le lima o Saulo. Na pati a ia :

Pesalemo 34:9

Ke kotou logoi ti ke kotou tio ki le malie o le Eteleno ! Manuia le tagata leia e afa ia lona mumuniaga iate ia !

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Pesalemo 81:14

Oi ! Ka na fakalogo mai fua loku kakai kiate au, Ka na saele fua Iselaele i oku ala !

Ekesote 23:25

E kotou tausi loa ki le Eteleno, lokoutou Atua, ti e tapuaki loa a ia kia koutou, e soli atu loa e ia kia koutou le nea kai mo le nea inu, ti e kau fakamamao loa le taumasaki meia koutou.

Ekelesiasi 12:13

E fai a masau a le kau poto pe ni nea matakakai ; ti kua fakatasii latou ki se tosi e tasi, ti e lotou tatau mo ni fao kua tuki ; kua tuku latou e se pule e tasi.

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Sofoni 3:9

I le aso lena, e kau soli loa ki kakai ni laugutu mea, O tupu ke lotou fetapa fuli ki le suafa o le Eteleno, Ti ke lotou tausi kiate ia i se loto e tasi.

Mateo 22:37

Na tali loa Sesu kiate ia : E ke alofa loa ki le Aliki, lou Atua, i lou loto katoa, mo lou laumalie katoa, ti mo lau manatu katoa.

Luka 10:27

Na tali loa a ia : E ke alofa loa ki le Aliki, lou Atua, i lou loto katoa, mo lou laumalie katoa, mo lou makeke katoa, ti mo lou atamai katoa ; ti mo lou oloi ofaipe koe totonu.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Tetelonome 10:11

Na pati mai loa le Eteleno kiate au : Ke ke tuu ki aluga o saele i mua o le kakai. Ke lotou ulu o too le fenua leia na kau fakapapau ki olatou tamana ke soli kia latou.

Tetelonome 10:13

Ke ke tausi a folafola a le Eteleno mo ana lao ala e kau tuku kiate koe i le aso nei, o tupu ke ke manuia.

Tetelonome 11:1

Ke ke alofa ki le Eteleno, lou Atua, ke ke tausi tuumau ana lao, mo ana lekula, mo ana folafola.

Tetelonome 11:13

Kapau e kotou fakalogo ki aku folafola ala e kau tuku kia koutou i le aso nei, kapau e kotou alofa ti mo kotou tausi le Eteleno, lokoutou Atua, i lokoutou loto katoa mo lokoutou laumalie katoa,

Tetelonome 26:16

I le aso nei, e fakatotonu loa e le Eteleno, lou Atua, kiate koe, ke ke fai loa a lekula mo lao ana ; ke ke tausi loa latou ti mo ke fai loa latou i lou mauli i lou loto katoa mo lou laumalie katoa.

Tetelonome 27:10

E ke fakalogo loa ki le leo o le Eteleno, lou Atua, ti e ke fai loa ana folafola mo ana lao ala e kau tuku kiate koe i le aso nei.

Tetelonome 30:16

talie e kau fakatotonu atu kiate koe i le aso nei ke ke alofa ki le Eteleno, lou Atua, o saele i ona ala, ti mo tausi ana folafola, mo ana lao, mo ana lekula, o tupu ke ke mauli ti mo ke liuliuga, ti ke tapuakii a koe e le Eteleno, lou Atua, i le fenua leia e ke ulu loa ki ai o maua tofiga.

Tetelonome 30:20

o alofa ki le Eteleno, lou Atua, ti mo fakalogo ki lona leo, ti mo pipiki kiate ia : Ko ia leia ko lou mauli, ti ko ia leia e fakatologa ia ou aso, o tupu ke ke nofo i le fenua leia na fakapapau e le Eteleno ke soli ki ou tamana, ko Apalaamo, mo Isaake, mo Sakopo.

Tetelonome 4:29

I lena foki, e ke toe afa loa le Eteleno, lou Atua ; ti e ke maua loa a ia, mo kapau e ke afa loa a ia i lou loto katoa mo lou laumalie katoa.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Tetelonome 6:13

Ke ke fakaapaapa loa ki le Eteleno, lou Atua, ti mo ke atolasio loa kiate ia toka tasi, ti mo ke fai loa au fakapapau i lona suafa.

Tetelonome 6:2

o tupu ke ke i ki le Eteleno, lou Atua, o tausi i aso fuli o lou mauli, e koe, mo lou vosa, mo le vosa o lou vosa, ana lao fuli mo ana lekula fuli ala e kau tuku kiate koe, o tupu foki ke ke fakatologa ou aso.

Tetelonome 6:24

Na fakatotonu loa e le Eteleno kia matou ke motou fai a lao mo lekula fuli ana, ti ke motou i ki le Eteleno, lomatou Atua, o tupu ke motou manuia tuumau, ti ke tausi e ia omatou mauli, ofaipe lana fai i le aso nei.

Tetelonome 6:5

Ke ke alofa loa ki le Eteleno, lou Atua, i lou loto katoa, mo lou laumalie katoa, mo lou makeke katoa.

Uluaki tosi kia Timoteo 1:5

Ko le uiga o le fakatotonu lena, ko se alofa leia e au mei se loto mea, mo se fakakaukau malie, ti mo se tui maoki.

Epelo 12:28

Koia o tupu kua tou maua se puleaga leia e leaise mafai ke lui, ke tou fakasa lotatou fakafetai o tuku ki le Atua se atolasio leia e malie kiate ia, i le alofa ti mo le i ;

Sosue 22:5

Ke kotou tokaga fua o tausi ti mo fai a fakatotonu mo lao ala na tuku atu kia koutou e Moisese, tagata fakasausau a le Eteleno. Kotou alofa ki le Eteleno, lokoutou Atua, kotou saele i ona ala fuli, kotou tausi ana folafola, kotou pipiki kiate ia, ti kotou tausi kiate ia i lokoutou loto katoa mo lokoutou laumalie katoa.

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Uluaki tosi a Soane 2:15

Aua na kotou alofa ki le malama nei, ti mo nea ala e maua i le malama nei. Kapau e alofa se tasi ki le malama nei, e leaise nofo le alofa o le Tamana iate ia ;

Uluaki tosi a Soane 5:5

Ko ai e malo i le malama nei ? ko leia e tui ko Sesu ko le Alo o le Atua.

Uluaki tosi a Samuele 12:20

Na pati loa Samuele ki le kakai : Aua na kotou i ! Kua kotou fai le veli katoa lena ; kae ke aua na kotou maliu kese loa mei le Eteleno, kae ke kotou tausi loa ki le Eteleno i lokoutou loto katoa.