Tetelonome 1:30 - Tosi Tapu

³⁰ Ko le Eteleno, lokoutou Atua, leia e saele i mua o koutou, e tau loa kia koutou, ofaipe lana fai kia koutou i Esipito, i okoutou mua,

Tetelonome 1:30 ပူးပေါင်းရင်းမြစ်များ

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Neemia 4:14

Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Neemia 4:20

I le tagi a le fakatagi pupusi, kotou maopo mai kiate au, ki le ganea leia e kotou logo e pupusi ai le fakatagi : E tau loa lotatou Atua kia tatou.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Ekesote 10:21

Na pati loa le Eteleno kia Moisese : Siki lou lima ki le lagi, ti ke vilo se fakapouli ki le fenua katoa o Esipito, io, se pouli matotolu.

Ekesote 14:14

E tau loa le Eteleno o fetogi koutou ; kae ko koutou, ke kotou fakaleemu.

Ekesote 14:25

Na too loa e ia a teka o alatou saliote ke faigataa ai lalatou saele. Ti na pati loa le kau Esipito : Tou sosola i mua o Iselaele, talie kua kau le Eteleno mo ia o tau ki le kau Esipito.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Loma 8:31

Kolea loa ke tou pati ki nea ana ? Kapau e kau le Atua mo tatou, ko ai loa ka fakafesagai mai kia tatou ?

Loma 8:37

Kae i nea fuli ana, e motou malo lasi i leia e alofa kia tatou.

Tetelonome 1:29

Na kau pati loa kia koutou : Ke aua na kotou loto gaegae, ti ke aua na kotou i kia latou.

Tetelonome 11:3

Na fakasa e ia kia koutou ana milakulo mo ana gaoi : Na kotou tio ki le nea leia na fai e ia i loto malie o Esipito, kia Falaone, sau o Esipito, mo lona fenua katoa.

Tetelonome 29:2

Na tanaki loa e Moisese a Iselaele katoa, o pati kia latou : Kua kotou tio ki nea fuli ala na fai e le Eteleno i okoutou mata, i le fenua o Esipito, kia Falaone, mo ana tagata fakasausau, mo lona fenua katoa.

Tetelonome 3:22

Ke aua na ke i kia latou ; talie e tau loa le Eteleno, lokoutou Atua, kia koutou.

Tetelonome 31:3

E saele loa le Eteleno, lou Atua, i ou mua, ti e maumaui loa e ia a puleaga ana i ou mua, ti e ke too loa lolatou fenua meia latou. E fakalaka loa Sosue i ou mua, o mulimuli ki le pati a le Eteleno.

Tetelonome 34:11

E leaise feala ke fakatatau se tasi mo ia i fakamailoga fuli mo milakulo fuli ala na kakau a ia e le Eteleno ke ano o fai i le fenua o Esipito kia Falaone, mo ana tagata fakasausau, mo lona fenua katoa,

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 7:18

Ke aua na ke i kia latou. Kae ke ke manatui le nea leia na fai e le Eteleno, lou Atua, kia Falaone mo Esipito katoa,

Sosue 10:14

Na leaise toe soko loa se aso o tatau mo le aso lena, i mua atu mo muli mai, leia na fakalogo ai loa le Eteleno ki le leo o se tagata ; talie na tau loa le Eteleno o tupu ko Iselaele.

Sosue 10:42

Na malo loa Sosue i sau fuli ana, ti na too loa e ia olatou fenua i le tau e tasi, talie na tau le Eteleno, le Atua o Iselaele, o tupu ko Iselaele.

Sosue 23:3

Kua kotou tio ki nea fuli ala na fai e le Eteleno, lokoutou Atua, ki puleaga fuli ana i okoutou mua ; talie na tau le Eteleno, lokoutou Atua, o tupu ko koutou.