Tetelonome 1:28 - Tosi Tapu

²⁸ E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 1:28 ပူးပေါင်းရင်းမြစ်များ

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Ekesote 15:15

Kua sevaia a pule o Etome ; Kua lulu tagata tau o Moape ; Kua manava veli kakai fuli o Kanaane.

Esaia 13:7

Koia kua gaegae ai a lima fuli, Ti kua i ai a loto fuli o tagata.

Esekiele 21:7

Vosa o le tagata, fakaaga ou mata ki Selusalemi, Ti ke masau ki potu tapu ! Kikite ki le fenua o Iselaele !

Tetelonome 1:29

Na kau pati loa kia koutou : Ke aua na kotou loto gaegae, ti ke aua na kotou i kia latou.

Tetelonome 2:10

I mua atu na nofoi le fenua o Ale e le kau Emimi : ko se kakai a ia na makeke, mo api, mo lalasi, ofaipe le kau Anake.

Tetelonome 20:20

Kae e feala loa ke ke maumaui mo ke sele a laakau fuli ala e ke iloa e leaise kai ia a fua, o ke fakaaoga loa latou ki le fau palepale ke taui ai le kolo, o kaku ki lona vilo.

Tetelonome 20:8

E toe masau loa le kau ofisa ki le kakai, o pati : Ko ai leia e i ti mo loto gaegae ? Ke mavae a ia ti ke toe liliu a ia ki lona kaiga, o tupu ke aua na toe loto gaegae foki ona fetaina ofaipe ia.

Tetelonome 7:17

Kapau e ke pati loa i lou loto : e api ake a puleaga anei iate au, pe feaki loa laku kapu latou ?

Sosue 11:22

Na leaise toe maua se Anake i le fenua o Iselaele, kae na toe fai i Kasa, mo Kati, ti mo Asetoti.

Sosue 14:8

Na fakalotogaegae loa e oku fetaina ala na pale mo au le kakai, kae ko au, na kau saele katoa i le ala o le Eteleno, loku Atua.

Sosue 15:14

Na kapu loa e Kalepo i ai a vosa e toka tolu o Anake : ko Sesai, mo Asimani ti mo Talamai, ko fanau a Anake.

Sosue 2:11

Na motou logo ki nea ana, ti kua motou loto gaegae ai, ti e leai fua se tagata koi maua ia se ga makeke ke tau kia koutou, talie ko le Eteleno ko lokoutou Atua, e Atua a ia i aluga i le lagi, ti mo le malama nei i lalo.

Sosue 2:24

Na la pati loa kia Sosue : kua tuku maoki e le Eteleno ki otatou lima le fenua katoa. Talie kua loto gaegae le kakai katoa o le fenua, o tupu ko tatou.

Sosue 2:9

ti na pati loa a ia ki le sa tagata : E kau iloa kua tuku atu e le Eteleno kia koutou le fenua leinei ; ti kua vilo kia matou le i kia koutou, ti kua loto gaegae le kakai fuli o le fenua leinei, o tupu ko koutou.

Tuifakamaau 1:10

Na saele loa Suta ki le kau Kanaane leia na nofo i Epelone, leia na igoa i mua ko Kiliate-Alepa. Ti na tamate loa e ia Sesai, mo Asimani ti mo Talamai.

Tuifakamaau 1:20

Na soli loa kia Kalepo a Epelone, o mulimuli ki le pati a Moisese ; ti na kapu loa e Kalepo a vosa e tolu o Anake.