Tetelonome 1:17 - Tosi Tapu

¹⁷ Ke aua na kotou tiotio tagata i se fakamaau ; ke kotou logo fakatatau ki leia e ikiiki mo leia e lasi ; ke aua na kotou i ki se tagata, talie e kotou fakamaaui i le suafa o le Atua. Ti kapau e faigataa loa se nea kia koutou, ke kotou aumai loa a ia kiate au, ke kau logo ki ai.

Tetelonome 1:17 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Lua tosi a Samuele 14:14

E maoki e tonu ke tou mamate fuli, ti e tou tatau loa mo le vai leia e maligi ki le kele, leia e leaise mafai ke toe fakatasii ; e leaise too e le Atua le mauli, ti e leaise loto a ia ke mamao mei lona agai le tagata leia na sola.

Lua tosi o Koloniko 19:5

Na fakanofo loa e ia ni tui fakamaau i kolo tau fuli o Suta, i kolo taki tasi.

Lua tosi o Koloniko 19:6

Ti na pati loa a ia ki le kau tui fakamaau : Ke kotou tokaga ki le nea e kotou fai loa, talie e leaise kotou fakamaaui le kakai i le igoa o ni tagata, kae e kotou fakamaaui i le suafa o le Eteleno, leia e ofi loa ia koutou mo ka kotou fai loa a fakamaau.

Sopo 31:34

Talie na kau i ki le toka api, Ti na vesia mai kiate au ni famili, Ti na leaise kau masau ai, kae kau nofo i loku fale…

Pesalemo 82:2

E kaku loa kiafea lakotou fakamaau veli, Ti mo lakotou tokaga ki le tagata agaveli ? - Manava.

Ekesote 18:18

E ke gaegae loa, ti e ke toe fakagaegae ia foki le kakai lena e nofo mo koe ; talie e mamafa ai le gaoi lena kiate koe, ti e leaise feala ke ke amo a ia toka tasi !

Ekesote 18:22

Ke lotou fakamaaui loa le kakai i aso fuli ; ke lotou aumai fua kiate koe a visi lalasi, kae ke lotou fakatokatoka a nea liliki fuli. Ke ke fakamaamaa lau kavega, ti ke lotou amo le kavega mo koe.

Ekesote 18:26

Na lotou fakamaaui loa le kakai i aso fuli : na lotou ave loa kia Moisese a nea faigataa, kae na lotou fakatokatoka loa a nea liliki fuli.

Taagapati 18:5

E leaise malie ke kau mo le tagata agaveli, O fakafiti le faitotonu ki le tagata saosaoa i le fakamaauaga.

Taagapati 24:23

Ko leinei foki le tasi a nea e au mei le kau poto : E leaise malie, i fakamaau, ke fakapalatasi ki se tagata.

Taagapati 28:21

E leaise malie le tiotio tagata i le fakamaau, Talie e mafai ke vilo se tagata ki le agasala o tupu ko se ga potu pane.

Taagapati 29:25

Ko le i ki tagata ko se masele, Kae ko leia e fanaki ki le Eteleno e puipui a ia.

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Levitiko 19:15

Aua na ke fai loa se tonu sala i au fakamaau : aua na ke tio loa ki le mativa o se tagata, ti aua na ke tio loa ki le mauiga o se tagata, kae e ke fakamaaui loa lou oloi o mulimuli ki le lao totonu.

Malakia 2:9

Ti ko au, e kau fakaliliu loa koutou ko ni nea noa mo fakalialia Ki mata o le kakai katoa, Talie na leaise kotou taupau oku ala, Ti na kotou tio ki mata o tagata Mo ka kotou too le lao.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Maleko 12:14

Ti na lotou au loa, o pati kia Sesu : Pule, e motou iloa e ke maoki, ti e leaise ke tuania ia fua se tasi ; talie e leaise ke tio ki le tagata, ti e ke akonaki ki le ala o le Atua o mulimuli ki le maoki. Pe taga pe leai ke soli le tukusau kia Sesale ? Pe tonu ke motou soli a ia pe leaise tonu ke motou soli a ia ?

Luka 20:21

Na fai loa e latou ana le vesili leinei kiate ia : Pule, e motou iloa e ke masau mo akonaki i le maoki, ti e leaise ke tio ki le nea leia e sa i tafa, kae e ke fakasa le ala o le Atua i le maoki katoa.

Loma 2:11

Talie e leaise fakakese e le Atua se tasi i ona mua.

Efeso 6:9

Ti ko koutou, kau pule, kotou fai fenaaki kia latou, ti aua na kotou fakaii kia latou, ke kotou iloa e nofo i le lagi lolatou pule mo lokoutou, ti e leaise kese se tasi i ona mua.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Tetelonome 16:19

Ke aua na ke fakasala ia loa le fakamaau, ke aua na ke tio loa ki le tagata, ti ke aua na ke tali loa se moliga, talie e fakakivi e moliga a mata o le kau poto ti e lotou fakasalasala ia loa a masau a le kau agatonu.

Tetelonome 24:17

Ke aua na ke fakasalai ia loa se fakamaau ke veli ki le matapule mo le fanau leia kua mate lona tamana, ti ke aua na ke too ia loa a kofu o se fafine leia kua mate lona avaga ke fakamaoki ai le totogi o se maua.

Tetelonome 25:1

Ka fefele loa ni tagata, ti na la ano loa ki mua o le fakamaau ke fakamaaui laua e le tui fakamaau, e fakamatatonu loa leia e mea, kae fakatuaa loa leia e sala.

Kolose 3:25

Talie ko leia e leaise agatonu i lana gaoi e tali ia loa o mulimuli ki lona lee agatonu, talie e leaise fakapalatasi ki le kakai.

Uluaki tosi ki le kau Tesalonika 2:4

kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.

Sakopo 2:9

Kae kapau e kotou fai se fakapalatasi, e kotou fai se agasala, ti e fakatuaa koutou e le lao ofaipe ni tagata maumau lao.

Uluaki tosi a Petelo 1:17

Ti kapau e kotou kalaga ki le Tamana, leia e fakamaaui ia o mulimuli ki le gaoi a le tagata taki toka tasi, ti e leaise fakapalatasi, kotou saele i le i i le temi katoa o lokotou mauli i le malama nei ;

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.

Uluaki tosi a Samuele 2:25

Kapau e agasala se tagata ki se tasi tagata, e fakamaaui loa a ia e le Atua ; kae kapau e agasala a ia ki le Eteleno, ko ai e ulufaki ia loa a ia ? Ti na leaise la fakalogo loa ki le leo o lola tamana, talie na loto le Eteleno ke tamate laua.