Taniela 9:27 - Tosi Tapu

²⁷ I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Taniela 9:27 ပူးပေါင်းရင်းမြစ်များ

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Selemia 7:30

Talie na fai e fanau a Suta le nea leia e veli ki oku mata, E pati le Eteleno ; Na lotou fakatuu alatou nea fakalialia i le fale leia e fetapa ai ki loku suafa, O tupu ke fakakelekelei ai latou.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Numelo 7:62

mo se ipu aulo e kau agafulu fa sikele leia kua apele i le kaloni fakamanogi ;

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Mateo 27:51

Ti ko leinei, na masae loa le kie o le fale tapu mei aluga ki lalo, ti na galulu loa le kele, ti na mafaafaa loa a utu,

Maleko 13:14

Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Loma 5:15

Kae e leaise tatau le sala mo le soli noa ; talie, kapau i le sala a se toka tasi na mamate ai se toka api, e toe feaki ake loa le lasi o le liligi ki se toka api o le kalasia o le Atua ti mo le soli noa o le kalasia, i se fa tagata e toka tasi, ko Sesu-Kilisito.

Loma 5:19

Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.