Taniela 9:26 - Tosi Tapu

²⁶ I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Taniela 9:26 ပူးပေါင်းရင်းမြစ်များ

Lua tosi a Samuele 21:5

Na lotou tali loa ki le sau : Talie na maumaui matou e le tagata lena ti na fakatuutuu e ia ke fakapuli lomatou kakai mei le fenua katoa o Iselaele,

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Esaia 28:2

Ko leinei se tagata lasi mo makeke e au mei le Aliki, Ofaipe se ua fatu, se sasataki maumau, Ofaipe se afa leia e fakatupu ia ni tafe makeke : E fakato e ia a ia ki le kele i le makeke katoa.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Esaia 53:8

Na ave a ia e le mamae mo le tautea ; Ti ko ai i lona tautupu na tui Na tuuti a ia i le kele o le kau mauli, Ti na taai a ia o tupu ko agasala o loku kakai ?

Esaia 8:7

Ko leinei, e fai loa e le Aliki ke pale mai kia latou A vai makeke mo lalasi o le vaitafe (Le sau o Asilia mo lona kololia katoa) ; E pale loa a ia i lona tafeaga i ganea fuli, Ti e mafola loa a ia i ona kauvai fuli.

Selemia 46:7

Ko ai leia e au ofaipe le Nile, Ti e malagalaga ona atu vai ofaipe ni vaitafe makeke ?

Selemia 51:42

Kua ake le tai ki Papilone : Kua ufiufi Papilone e ni galu lalasi.

Taniela 11:10

Ko vosa o le sau o le potu noleto e teuteu ia loa se tau. E lotou tanaki loa ni kau tau lasi. E ano loa se tasi o vosa ke tau mo lana kau tau. Ti e lotou mafola loa ofaipe se vaitafe leia kua puke. Kae i lana toe liliu ki lona fenua, e soko atu loa e ia le tau o kaku ki le kolo tau o le sau o le saute.

Taniela 11:17

E fai loa e ia se tonu ki le sau o le saute, ke ifo mai a ia mo makeke fuli o lona puleaga, ke lotou fakatokatoka ; e soli loa e ia lona taine ke avaga mo le sau o le saute, mo le amanaki malie ke maumaui lona puleaga, kae e leaise soko loa le puleaki kaka lena.

Taniela 11:22

E leaise feala ke tuu loa se solia i ona mua, e maumaui loa e ia a solia fuli, ti e tamate loa e ia se tasi a pule o le sai.

Taniela 11:36

E fai loa e le sau le nea leia e loto a ia ki ai ; e malaga loa a ia ki aluga, ti e fia tuu loa a ia i aluga o atua fuli, ti e fai loa e ia ni masau fakavale ki le Atua o atua ; ti e manuia loa a ia o kaku ki le katoa o le sausau o le Atua, talie e soko loa le nea leia kua fakatuutuu.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Oseo 1:9

Ti na pati loa le Eteleno : Soli kiate ia le igoa ko Loami ; talie e leaise ko loku kakai koutou, ti e leaise ko lokoutou Atua au.

Amosi 8:8

Pe leaise lulu loa le fenua o tupu ko latou ? Pe leaise tagi laulau loa le kakai katoa ? E pale ake loa le fenua katoa ofaipe se vaitafe, E malaga loa a ia ki aluga ti e toe ifo loa a ia ki lalo ofaipe le vaitafe o Esipito.

Amosi 9:5

E fafa le Aliki, le Eteleno o kau tau, ki le malama nei, ti e galulu a ia, Ti e tagi laulau loa lona kakai katoa. E malaga le kele katoa ki aluga ofaipe le vaitafe, Ti e ifo a ia ki lalo ofaipe le vaitafe o Esipito.

Naume 1:8

Kae e maumaui loa e ia le kolo Ki ni galu o le malaia, Ti e tuli loa e ia ona fili o kaku ki le fakapouli.

Mateo 22:2

E fakatatau le puleaga o le atu lagi ki se sau leia na fai ia se kaitasi ki le avaga o lona vosa.

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Mateo 23:38

Ko leinei, e tuku lavaki loa lokoutou fale kia koutou ;

Mateo 24:2

Kae na pati loa a ia kia latou : E kotou tio ki nea fuli ana ? E kau pati maoki atu kia koutou, e leaise toe maua loa i leinei se fatu i aluga o se fatu, leia na leikiaise ti ki lalo.

Maleko 13:2

Na tali loa Sesu kiate ia : E ke tio ki fale lalasi ana ? E leaise toe teki loa se fa fatu i aluga o se tasi fa fatu, talie e laku fuli loa latou ki lalo.

Maleko 13:7

Ka kotou logo loa ki le masau ki ni tau kua soko, ti mo ni tau e teuteui, aua na kotou i, talie e tonu ke soko a nea ana. Kae e leaise ko le aso fakamuli loa lena.

Maleko 9:12

Na tali loa Sesu kia latou : E maoki e tonu ke uluaki au mua Elia, o toe fakatonutonu a nea fuli. Ti kolea e tosi ai ki le Vosa o le tagata, e tonu ke mamae lasi a ia ti ke nukinukii a ia ?

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Luka 21:6

Ko nea ala e kotou tio ki ai, e soko mai loa a aso ala e leaise toe teki loa se fa fatu i aluga o se tasi fa fatu ; talie e laku fuli loa latou ki lalo.

Luka 24:26

Pe na leaise tonu ai ke mamae le Kilisito i nea ana, ti ulu loa ki lona kololia ?

Luka 24:46

Ti na pati loa a ia kia latou : E tuu foki i le tosi : E mamae loa le Kilisito, ti e toe tuuake loa a ia mei le kau mate i le tolu o aso,

Soane 14:30

E leaise kau toe masau lasi loa mo koutou ; talie e au le pule o le malama nei. E leaise maua e ia sana nea fua e tasi iate au.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Uluaki tosi a Petelo 2:21

Ti na kalagai koutou ki ai, talie na mamae foki Kilisito o tupu ko koutou, ke tuku atu kia koutou se faifaitakiaga, o tupu ke kotou muli i ona lakaaga,

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.