Taniela 9:2 - Tosi Tapu

² i le uluaki fetuu o lana sau, ko au Taniela, na kau tio loa i tosi e tonu ke oki ni fetuu e kau fitu ki le maumaui o Selusalemi, o mulimuli ki le lasi o fetuu ala na fakasa e le Eteleno ki le polofeta ko Selemia.

Taniela 9:2 ပူးပေါင်းရင်းမြစ်များ

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Esetalasi 1:1

I le uluaki fetuu o Silusi, sau o Pelesi, na fakasoko loa e le Eteleno le folafola leia na fakasa e le polofeta ko Selemia. Na fafagu loa e le Eteleno le laumalie o Silusi, sau o Pelesi, leia na fakasa ia loa mo fai ia loa le tosi leinei i lona puleaga katoa :

Pesalemo 119:24

Ko au pelesepeto ko oku fiafiaaga, Ko oku tagata tokoi latou.

Esaia 64:10

Kua liliu lomatou fale tapu o le kololia, Leia na sua ai e omatou tamana ou fakafetai Ko le nea kai a ula ; Kua maumau a nea fuli ala na mauiga kia matou.

Selemia 1:1

Masau a Selemia, vosa o Ilekisa, ko se tasi i le kau faisakilifisio o Anatote, i le fenua o Pesamino.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 26:18

Na kikite a Mikea, mei Moleseti, i le temi o Esekiasi i Suta, ti na pati a ia ki le kakai katoa o Suta : E folafola le Eteleno o kau tau : E fakamalu loa Sione ofaipe se faisaga, E liliu loa Selusalemi ko se tuuga fatu, Ti mo le mauga o le fale ko se ulu vao lalasi.

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Selemia 29:10

Kae ko leinei le nea leia e fakasa e le Eteleno : Ka sili loa ni fetuu e kau fitu o Papilone, e kau toe manatui loa koutou, ti e kau fakasoko loa kia koutou laku folafola malie, o kau toe aumai loa koutou ki le ganea leinei.

Selemia 7:34

E kau fakagato loa i kolo o Suta ti mo ala o Selusalemi A kalaga fakafiafia, mo kalaga nekenekea, A sua a le tama feauaki ti mo sua a le taine feauaki ; Talie e liliu loa le fenua ko se toafa.

Tagi laulau a Selemia 1:1

Kolea ! Kua tonatona toka tasi a ia, Le kolo leia na apiapi ! Kua fai a ia pe se fafine lokonui ! A ia leia na lasi i atu puleaga, a ia leia na fafine aliki i atu puleaga, Kua tuku a ia ki le popula !

Esekiele 29:11

E leaise toe ano loa i ai se vae o se tagata, E leaise toe ano loa i ai se vae o se manu, Ti e leaise nofoi loa a ia e se kakai i fetuu e kau fa.

Taniela 9:3

Na fakamaliu loa oku mata ki le Aliki Atua, o tupu ke afa i le faikole mo le tagi, ti na kau sesunio loa o tui le taga mo pani le mugalafu.

Mikea 3:12

Koia leia, o tupu ko koutou, E kenu ai loa Sione ofaipe se faisaga, E liliu ai loa Selusalemi ko se tuuga fatu, Ti mo le mauga o le fale tapu ko se tumutumu apele i le vao.

Sakalia 1:12

Ti na folafola loa le aselo o le Eteleno, o pati : Eteleno o kau tau, e kaku loa kiafea lau nofo e leaise ke alofa ki Selusalemi mo kolo o Suta, ala na ke sausaua ki ai talu mei fetuu e kau fitu ?

Sakalia 7:5

Pati ki le kakai katoa o le fenua ti mo le kau tagata faisakilifisio : I lakoutou sesunio mo fetagisi i le masina lima mo le masina fitu, talu mei fetuu e kau fitu, pe na kotou sesunio kiate au ?

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Maleko 13:14

Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Gaoi 8:34

Ti na pati loa le enuke kia Filipo : E kau kole atu kiate koe, ko ai leia e fia masau ki ai le polofeta ? Pe masau a ia kiate ia totonu pe ki se tasi ake ?

Uluaki tosi kia Timoteo 4:13

O kaku ki laku kaku atu, tokaga ki le lautosi, mo le fakamakeke, mo le akonaki.

Apokalipisi 1:3

Manuia leia e lau ia le tosi ti mo latou ala e fakalogo ki folafola o le folafola kikite, ti mo fai ia a nea fuli ala e tosi i ai ! Talie kua ofi le temi.