Taniela 9:19 - Tosi Tapu

¹⁹ Aliki, fakalogo ! Aliki, fakamolemole ! Aliki, tokaga ! gaoi, aua na ke toe talitali, o tupu ko lou alofa kiate koe, ei loku Atua ! Talie e kalagai lou suafa i lou kolo ti mo lou kakai.

Taniela 9:19 ပူးပေါင်းရင်းမြစ်များ

Lua tosi o Koloniko 6:21

Ke ke alofa o tali a kole a lau tagata fakasausau ti mo lou kakai ko Iselaele, mo ka lotou faikole loa i le ganea leinei ! Ke ke tali mei lou nofoaga, mei lagi, ke ke tali ti ke ke fakamolemole !

Lua tosi o Koloniko 6:39

ke ke tali alatou kole mo alatou tagi mei lagi, mei lou nofoaga, ti ke ke tokoi kia latou ; ke ke fakamolemole a agasala a lou kakai kiate koe.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 25:29

Talie ko leinei, kua kau kamata fai le veli I le kolo leia e kalagai ai loku suafa ; Ti ko koutou, pe kotou sala tautea loa ? E leaise kotou sala loa i le tautea ; Talie e kau kalagai loa le seleta ki kakai fuli o le malama nei, E pati le Eteleno o kau tau.

Esekiele 20:14

Kae na kau toe fakapoipoi ki loku suafa, o tupu ke aua na fakalialia a ia i mua o puleaga ala na tio ki laku fakamavae latou i Esipito.

Esekiele 20:22

Kae na kau taofi loku lima, ti na kau gaoi o tupu ko loku suafa, ke aua na fakalialiai a ia i mua o puleaga ala na tio ki laku fakamavae latou i Esipito.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Esekiele 36:22

Koia ke ke pati ki le fale o Iselaele : E folafola le Aliki, le Eteleno, o pati : E leaise kau fai a nea anei o tupu ko koutou, fale o Iselaele, kae tupu ko loku suafa maokioki, leia kua kotou aga o fakakelekele i puleaga ala na kotou ano ki ai.

Esekiele 39:25

Koia e folafola ai le Aliki, le Eteleno, o pati : I le aso nei e kau toe aumai loa le kau popula o Sakopo, E kau alofa loa ki le fale katoa o Iselaele, Ti e kau finenonofo loa ki loku suafa maokioki.

Taniela 9:18

Ei loku Atua, tokaga mai lou taliga, ti ke fakalogo mai ! fakamavaa ou mata ti ke tio ki maumau, ke ke tio ki le kolo leia e kalagai ai lou suafa ! E leaise motou fai atu amatou tagi o tupu ko lamatou faitotonu, kae o tupu ko lou manava alofa lasi.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Numelo 14:19

Eteleno, fakamolemole ki le sala o lou kakai o mulimuli ki le lasi o lou agamalie, ofaipe lau fakamolemole tuumau kiate ia talu mei Esipito o kaku mai ki leinei.

Numelo 6:27

E lotou teki fenaaki loa loku suafa ki fanau a Iselaele, ti e kau tapuaki loa kia latou.

Luka 11:8

E kau fakasa kia koutou, kapau na leaise tuu loa a ia o soli kiate ia a pane talie ko lona kaukau nea a ia, e tuu loa a ia ki aluga o tupu ko lana fakakinau, ti e soli loa e ia kiate ia a nea fuli ala e aoga kiate ia.

Gaoi 15:17

O tupu ke afa le Aliki e le toetoega o tagata, Ti mo puleaga fuli e puaki ai loku suafa. Epati le Aliki, leia e fai ia a nea ana,

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Efeso 3:10

Koia kua iloa ai i le aso nei e le kau pule mo le kau makeke i potu fakalagi i le Ekelesia le poto lee gato o le Atua i ona anoaga kesekese,