Taniela 9:15 - Tosi Tapu

¹⁵ I le aso nei, Aliki ko lomatou Atua, a koe leia na fakamavae ia lou kakai mei le fenua o Esipito ki lou lima makeke, a koe leia na logologona talu mei ai o kaku mai ki le aso nei, kua motou agasala, kua motou fai le nea leia e veli.

Taniela 9:15 ပူးပေါင်းရင်းမြစ်များ

Uluaki tosi o Sau 8:51

talie ko lou kakai latou mo lou tofiga, ti na ke fakamavae latou mei Esipito, mei loto malie o le gutuumu ukamea ulaula.

Lua tosi o Sau 21:15

o tupu na lotou fai le nea leia e veli ki oku mata, ti na lotou fakatupu ia loku itaita, mei le aso leia na mavae ai olatou tamana mei Esipito o kaku mai ki le aso nei.

Lua tosi o Koloniko 6:37

kapau e lotou fakasemala i olatou loto i le fenua leia e lotou popula ai loa, kapau e lotou fakasemala loa, o tagi atu kiate koe i le fenua leia e lotou popula ai loa, o pati : Kua motou agasala, kua motou fai ni patigataa, kua motou fai le nea e veli !

Neemia 1:10

Ko au tagata fakasausau latou anei ti ko lou kakai, leia na ke totogi ki lou mafimafi ti mo lou lima makeke.

Neemia 1:6

Ke tokaga mai lou taliga, ti ke tio mai ou mata, o fakalogo ki le kole leia e fai atu kiate koe e lau tagata fakasausau i le lakaga nei, i le ao mo le pouli, ki au tagata fakasausau a fanau o Iselaele, o kofesio a agasala a fanau o Iselaele, amatou agasala kiate koe ; talie kua motou agasala kiate koe, a au mo le fale o loku tamana.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Pesalemo 106:8

Kae na fakamauli loa e ia latou o tupu ko lona suafa, Ke fakasa ai lona mafimafi.

Ekesote 13:14

Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:16

E tuu loa le nea lena ko se fakamailoga i lou lima ti ko se fakamanatu i lou lae ; talie na fakamavae matou i Esipito e le lima makeke o le Eteleno.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 14:18

Ti e iloa loa e le kau Esipito ko au ko le Eteleno, mo ka fakasa loa loku kololia e Falaone, mo ana saliote, ti mo lana kau ekeosi.

Ekesote 32:11

Na tagi loa Moisese ki le Eteleno, lona Atua, o pati : Eteleno ! kolea e vilo ai loa lou sausau ki lou kakai, leia na ke fakamavae mei le fenua o Esipito ki lou makeke lasi mo lou lima makeke ?

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Selemia 14:20

Eteleno, e motou fakamaoki ki lomatou agaveli, mo le agasala o omatou tamana ; Talie na motou agasala kiate koe.

Selemia 32:10

Na kau tosi loa se pepa fakamaoki, leia na kau fakamau loa, ti na kau too loa ni tagata fakamaoki, ti na kau fuafua loa le paaga i se fua.

Tagi laulau a Selemia 3:42

Na motou agasala, ti na motou agatuu ! Na leaise ke fakamolemole !

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Taniela 9:5

Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Luka 15:21

Na pati loa le vosa kiate ia : Tamana, kua kau agasala ki le lagi ti mo koe, e leaise koi kau gali ke fakaigoa au ko lou vosa.

Luka 18:13

Na tuu le popelikano mei mamao, ti na leaise mafai ke tagaki a ia ki aluga, kae na tukituki e ia lona fatafata, o pati : Ei Atua, alofa mai kiate au ko le tagata agasala.

Lua tosi ki le kau Kolinto 1:10

Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Tetelonome 5:15

Ke ke manatui loa na ke popula i le fenua o Esipito, ti na fakamavae a koe mei ai e le Eteleno, lou Atua, ki lona lima makeke : koia na fakatotonu ai kiate koe e le Eteleno, lou Atua, ke ke tausi le aso o le malolo.