Taniela 8:24 - Tosi Tapu

²⁴ E tupu loa lona makeke o lasi, kae e leaise ko lona makeke totonu o ona ; e fai loa e ia ni maumau fakaii, ti e manuia loa ana gaoi, ti e maumaui loa e ia le kau lalasi mo le kakai o le kau sagato.

Taniela 8:24 ပူးပေါင်းရင်းမြစ်များ

Pesalemo 37:35

Na kau tio ki le tagata agaveli i lona makeke katoa ; Na mafolafola a ia ofaipe se laakau sesega.

Taniela 11:23

I le oki o le fai o ni fakapapau mo ia, e fai loa e ia ni puleaki kaka ; e saele loa a ia ki le tau ti e malo loa a ia mo se ga kakai lavaki fua.

Taniela 12:7

Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 8:10

Na malaga loa a ia o kaku ki le kau tau o le lagi, ti na fakavilo loa e ia ki le kele se potu o le kau tau lena mo fetuu, ti na takatakafi loa e ia latou.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Taniela 8:12

Na tuku loa kiate ia le kau tau mo le failaulau o aso taki tasi, o tupu ko le agasala ; na ti loa e le tala le maoki ki le kele, ti na manuia loa ana gaoi fuli.

Taniela 8:23

I le oki o lalatou pule, mo ka maumaui loa le kau agasala, e malaga ake loa se sau matasoka mo poto kaka.

Apokalipisi 16:6

Talie na lotou liligi ia le toto o le kau sagato mo le kau polofeta, ti kua ke soli kia latou le toto ke lotou inu : Talie e feauga mo latou.

Apokalipisi 17:17

Talie kua tuku e le Atua ki olatou loto ke lotou fakasoko lana fakatuutuu ; e lotou loto tasi loa o soli olatou pule fakasau ki le manu fekai, o kaku ki le temi leia e fakasoko katoa ai loa a folafola a le Atua.

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.