Taniela 8:12 - Tosi Tapu

¹² Na tuku loa kiate ia le kau tau mo le failaulau o aso taki tasi, o tupu ko le agasala ; na ti loa e le tala le maoki ki le kele, ti na manuia loa ana gaoi fuli.

Taniela 8:12 ပူးပေါင်းရင်းမြစ်များ

Sopo 12:6

E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Pesalemo 119:142

Ko lau faitotonu ko se faitotonu lee gato, Ti ko lau lao ko le maoki.

Pesalemo 119:43

Aua na ke too oki i loku gutu le folafola o le maoki ! Talie e kau fanaki ki au fakamaau.

Pesalemo 28:5

Talie e leaise lotou tokaga ki gaoi a le Eteleno, Ki le gaoiaga o ona lima. Ke maumaui e ia latou ti ke aua na toe lagai e ia latou ki aluga !

Esaia 59:14

Koia na mavae ai le tokoi, Ti na mamao ai le fakamauli ; Talie e siga le maoki i le malae fakafenua, Ti e leaise mafai ke fakafeofi ki ai le faitotonu.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Taniela 11:28

E toe liliu loa le sau o le noleto ki lona fenua mo se koloa lasi. E vesia loa a ia i lona loto ki le kakai o le sai maokioki, ti e fakafesagai loa a ia ki ai, ti e toe liliu loa a ia ki lona fenua i le fakaoki.

Taniela 7:21

Na kau tio loa ki le tala lena na tau ki le kau sagato, ti na malo loa a ia ia latou,

Taniela 8:4

Na kau tio loa ki le ovi tagata leia na ta ia ona tala ki le uesite, mo le noleto, ti mo le saute ; na leaise mafai e se manu e tasi ke tuu i ona mua, ti na leaise mafai e se tasi ke saofaki ia mei ona lima ; kae na fai e ia ki lona loto, ti na liliu loa a ia o makeke.

Apokalipisi 13:7

Ti na soli loa kiate ia ke tau ki le kau sagato, ti ke malo ia latou. Ti na soli loa kiate ia le pule ki faasiga fuli, mo kakai fuli, mo masau fuli, ti mo puleaga fuli.

Uluaki tosi a Samuele 23:9

Na logo loa Tavite ki le fakatuutuu a Saulo kiate ia, ti na pati loa a ia ki le tagata faisakilifisio ko Apiatale : Aumai le efote !