Taniela 7:23 - Tosi Tapu

²³ Na masau mai loa a ia kiate au, o pati : Ko le fa o manu, ko le fa a ia o puleaga ala e tuu loa i le malama nei, e kese loa a ia mo puleaga fuli, ti e kai loa e ia le malama nei katoa, ti e takatakafi loa e ia, ti e gugu e ia le malama nei katoa.

Taniela 7:23 ပူးပေါင်းရင်းမြစ်များ

Taniela 2:40

E i ai loa se fa puleaga, leia e makeke loa ofaipe le ukamea ; ofaipe le ukamea leia e fatifati ia mo motumotusi ia a nea fuli, e fatifatii loa mo motumotusi loa e ia nea fuli, ofaipe le ukamea leia e gugu ia a nea fuli.

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Taniela 7:24

Ko tala e kau agafulu, ko sau ana e kau agafulu ala e malaga ake loa i le puleaga lena. E malaga ake loa se tasi i olatou muli, leia e kese loa i la ake na muamua, ti e fakaifo loa e ia a sau e tolu.

Taniela 7:7

I le oki o le nea lena na kau tio loa i le lolotoga o aku moe miti i le pouli, ti ko leinei, na fakaii le fa o manu, ti na fakalialia, ti na makeke lasi a ia ; na maua e ia ni nifo lalasi ukamea, na kai e ia ti na gugu e ia ana nea kai, ti na takatakafi e ia ki ona vae le nea leia na toe. Na kese a ia mo la ake a manu i mua, ti na maua e ia ni tala e kau agafulu.

Luka 2:1

I le temi a ia, na sa loa se tosi a Sesale Okusito, o fakatotonu ke tosi le malama nei katoa.