Taniela 7:18 - Tosi Tapu

¹⁸ kae e maua loa e le kau sagato a le Atua Taualuga le puleaga, ti e lotou maua loa le puleaga o lee gato i sekulo mo sekulo.

Taniela 7:18 ပူးပေါင်းရင်းမြစ်များ

Pesalemo 45:16

Na fakaulu latou i loto malie o ni fakafiafia, mo ni nekenekea : E lotou ulu ki le fale o le sau.

Pesalemo 49:14

Ko lena lolatou ala, lolatou valea, Ti ko latou ala e mulimuli ia latou e fiafia i alatou masau. - Manava.

Esaia 14:2

E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:17

Ko manu lalasi ana e fa ko sau e fa ala e malaga ake loa i le malama nei ;

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Apetiasi 1:17

Kae e nofo loa le fakamauli i le mauga o Sione, ti e maokioki loa a ia, Ti e toe maua loa e le fale o Sakopo ona tofiga.

Luka 1:33

E sau loa a ia i le fale o Sakopo o lee gato, ti e leaise toe gato loa lana pule.

Uluaki tosi ki le kau Kolinto 6:2

Pe leaise kotou iloa e fakamaaui loa e le kau sagato le malama nei ? Ti kapau ko koutou ala e fakamaaui ia loa le malama nei, pe leaise gali mo koutou ke kotou fakamaaui a nea liliki ?

Efeso 1:3

Ke fakafetai ki le Atua, le Tamana o lotatou Aliki ko Sesu-Kilisito, leia na tapuaki ia tatou ki a tapuaki fakalaumalie fuli i potu fakalagi ia Kilisito !

Efeso 6:12

Talie e leaise tou fepoko mo le kanofi mo le toto, kae mo le kau pule, mo le kau makeke, mo le kau pule lalasi o le fakapouli, mo le kau laumalie veli i potu fakalagi.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.

Apokalipisi 5:10

ti na ke fakasoko latou ko se puleaga ti ko se kau tagata fai sakilifisio ki lotatou Atua, ti e lotou sau loa i le malama nei.