Taniela 7:10 - Tosi Tapu

¹⁰ Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Taniela 7:10 ပူးပေါင်းရင်းမြစ်များ

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Lua tosi o Koloniko 18:18

Ti na pati loa Mikea : Koia ke tou fakalogo ai ki le folafola a le Eteleno ! Na kau tio ki le Eteleno e eke i lona ekeekeaga fakasau, ti ko le solia katoa o le lagi e tutuu i lona fetuu atamai mo lona fetuu sema.

Sopo 25:3

Ko ai e mafai ke lau ia ana kau tau ? Ko ai leia e leaise sopo ki ai lana laa ?

Pesalemo 103:21

Kotou fakafetai ki le Eteleno, koutou fuli ko ana kau tau, Ala ko ana tagata fakasausau, ti e fai ia lona finegalo !

Pesalemo 18:8

Na lui loa le malama nei ti na lulu loa a ia. Na galulu loa a tafito o mauga, Ti na lotou sisiga loa, talie na ita le Eteleno.

Pesalemo 50:3

E au lotatou Atua, e leaise nofo fakalologo a ia ; E ano se afi kaka i ona mua, E takatakai a ia e se afa makeke.

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Esaia 30:27

Ko leinei, e au le suafa o le Eteleno mei mamao ; Kua vevela lona sausau, ofaipe se vela makeke ; Kua apele ona laugutu i le sausau, Ti kua fai lona alelo pe se afi kaka.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Taniela 7:22

o kaku ki le lakaga leia na au ai loa le Matua o aso, o tuku le fakamaau totonu ki le kau sagato o le Taualuga. Ko le temi loa lena na tuku ai le puleaga ki le kau sagato.

Taniela 7:26

Ti e soko mai loa le fakamaau, ti e too loa le pule meiate ia, ti e maumaui loa lona puleaga o lee gato.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 12:22

Kae kua kotou fakafeofi ki le mauga o Sione, ki le kolo o le Atua mauli, ki le Selusalemi i Selo, ki miliate mo miliate o le kau aselo,

Suta 1:14

Ko latou foki ana na folafola fakakikite ki ai Enoke, ko le fitu o le kau pateliaka meia Atama, o pati : Ko leinei, kua au le Aliki mo ana kau miliate maokioki,

Apokalipisi 11:18

Na iita a atu puleaga ; kae kua au lou sausau, ti kua soko mai le temi ke fakamaaui ai le kau mate, ti ke fakapale ai au tagata fakasausau ko le kau polofeta, mo le kau sagato, mo latou fuli ala na i ki lou suafa, liliki mo lalasi, ti ke maumaui ai latou ala na maumaui ia le kele.

Apokalipisi 5:11

Ti na kau tio loa, ti na kau logo loa ki le leo o se kau aselo toka api i tafatafa o le ekeekeaga fakasau, ti mo manu mauuli, ti mo le kau matua, ti na lau miliate mo afe lolatou api.