Taniela 6:28 - Tosi Tapu

²⁸ Na tapuakina loa Taniela i le sau o Taliusi, ti mo le sau o Silusi, tagata Pelesi.

Taniela 6:28 ပူးပေါင်းရင်းမြစ်များ

Lua tosi o Koloniko 36:22

I le uluaki fetuu o Silusi, sau o Pelesi, o tupu ke fakasoko le folafola a le Eteleno leia na fakasa e le gutu o Selemia, na fafagu loa e le Eteleno le laumalie o Silusi, sau o Pelesi, leia na fakatotonu ia loa ke fai i lona puleaga katoa le lagiaki leinei ki le masau gutu mo ni tosi :

Lua tosi o Koloniko 36:23

Ko leinei le masau a Silusi, sau o Pelesi : Kua soli mai kiate au e le Eteleno, le Atua o le lagi, a puleaga fuli o le kele, ti kua fakatotonu mai e ia kiate au ke fakatuu se fale kiate ia i Selusalemi i Suta. Ko ai leia ia koutou e kau ki lona kakai ? Ke nofo mo ia le Eteleno, lona Atua, ti ke pale a ia !

Pesalemo 77:15

Ko le Atua a koe leia e fai ia ni nea fakatalatupua ; Na ke fakasa lou mafimafi i le lotolotoga o kakai.

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Selemia 32:20

Na ke fai ni milakulo mo ni nea fakamanamana i le fenua o Esipito o kaku mai ki le aso nei, Ki le kakai o Iselaele mo kakai fuli, Ti kua logologona lou suafa, ofaipe lona sa i le aso nei.

Taniela 1:21

Na fenaaki loa le mauli o Taniela o kaku ki le uluaki fetuu a le sau ko Silusi.

Taniela 10:1

I le fetuu tolu o Silusi, sau o Pelesi, na fakasa loa se folafola kia Taniela, leia na fakaigoa ko Pelesatesale. Ko le folafola lena, leia ko se folafola maoki, e fakasa ia se malaia lasi. Na tokaga loa a ia ki le folafola lena, ti na matala loa a ia ki le uiga o le tio.

Taniela 3:29

I le aso nei, ko leinei le fakatotonu leia e kau fai : Ko tagata fuli, mo kakai fuli, mo puleaga, mo masau fuli, e masau veli loa ki le Atua o Satalake, mo Mesake, mo Apeteneko, e tutuuti loa, ti e fakaliliu loa lona fale ko se tuuga penu, talie e leaise tasi ake atua leia e feala ke saofaki ia ofaipe ia.

Taniela 5:28

Vae : kua vae lou puleaga, ti kua soli a ia ki le kau Meti mo le kau Pelesi.