Taniela 6:24 - Tosi Tapu

²⁴ Na fakatotonu loa e le sau ke aumai ki ona mua a tagata ala na fakalakasala ia Taniela, ti ke ti latou ki le popoko o laione, latou mo alatou fanau ti mo alatou avaga ; ti na leikiaise lotou kaku ki le takele o le popoko, kae kua tapo latou e laione, o gugu olatou ivi fuli.

Taniela 6:24 ပူးပေါင်းရင်းမြစ်များ

Lua tosi o Sau 14:6

Kae na leaise tamate loa e ia a vosa o tagata tukipo ana, o mulimuli ki le nea leia e tosi i le tosi o le lao a Moisese, leia kua fakasa ai e le Eteleno le fakatotonu leinei : E leaise tamate loa a tamana o tupu ko fanau, ti e leaise tamate loa a fanau o tupu ko tamana ; kae e tamate loa le tagata taki toka tasi ki lana agasala.

Esitele 7:10

Ti na tautau loa a Amane ki le laakau leia na teuteui e ia kia Maletoseo. Ti na malu loa le ita o le sau.

Esitele 9:10

Mo vosa e tino agafulu o Amane, vosa o Ametata, le fili o le kau Sutea. Kae na leaise lotou maumaui loa le kolo.

Esitele 9:25

Kae i le ano a Esitele ki mua o le sau, na fakatotonu loa e le sau i se tosi ke toe fakavilo ki le ulu o Amane le fakatuutuu veli leia na fai e ia ki le kau Sutea, ti ke tautau a ia ki le laakau, a ia mo ona vosa.

Pesalemo 54:5

Talie kua tutuu ake ni matapule kiate au, E loto ni tagata itaita ki loku mauli ; E leaise lotou ave alatou manatu ki le Atua. - Manava.

Taagapati 11:8

E saofaki le tagata agatonu i le mamae ; Kae too e le tagata agaveli lona nofoaga.

Taagapati 19:9

E leaise sala tautea loa le tagata fakamaoki loi ; Ti e mate loa leia e gutu loiloi.

Esaia 38:13

Na kau kataki o kaku ki le usu ; Ofaipe se laione, na fatifatii e ia oku ivi fuli, I le ao ki le pouli kua ke fakaoki loa au !

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Taniela 3:22

Na mamafa ai le fakatotonu a le sau, ti na vevela ai le gutuumu, o tamate ai loa e le ula o le afi a tagata ala na ti ia Satalake, mo Mesake, mo Apeteneko ki loto o le gutuumu.

Tetelonome 24:16

E leaise tamate loa a tamana ke fetogi ai a fanau, pe ko fanau ke fetogi ai a tamana : E tamate loa le tagata taki toka tasi ki lana agasala.