Taniela 6:22 - Tosi Tapu

²² Kua kakau mai e loku Atua lana aselo ke tapono ia a gutu o laione, ti na leaise lotou fai fua kiate au se nea veli, talie na leaise maua e ia saku sala i ona mua ; ti e felaaki foki i ou mua, ei sau, na leaise kau fai fua se sala.

Taniela 6:22 ပူးပေါင်းရင်းမြစ်များ

Senesi 40:15

talie na aumai fakamakeke au mei le fenua o le kau Epeleo, ti i le fenua leinei, na leaise kau fai se nea veli i le fenua leinei ke fakapilisoni ai au.

Lua tosi a Samuele 22:7

I loku mamae, na kau kalaga ki le Eteleno, Na kau kalaga ki loku Atua ; Mei lona fale sau, na logo a ia ki loku leo, Ti na fia logo ona taliga ki laku kalaga.

Uluaki tosi o Sau 13:28

ti na ano loa a ia. Na maua loa e ia le tino leia na tuku i le ala, ti mo le asino mo le laione ala na tutuu i ona tafa. Na leaise kai e le laione le tino ti na leaise tamate e ia le asino.

Lua tosi o Koloniko 32:21

Koia na kakau ai loa e le Eteleno se aselo ke tamate ia i le nofolaga tau o le sau o Asilia le kau tagata makeke fuli, mo le kau taki tau, ti mo le kau pule tau. Ti na toe liliu loa le sau o Asilia ki lona fenua mo se luma lasi ai. Na ulu loa a ia ki le fale o lona atua, ti na tamate loa a ia i ai ki le seleta e ona vosa totonu ala na au mei ona tootooga.

Pesalemo 118:28

Ko koe ko loku Atua, ti e kau fakafetai loa kiate koe ; Loku Atua, e kau sua loa kiate koe.

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Pesalemo 31:14

E kau logo ki lauveli a le toka api, mo le fakaii leia e taka i oku tafatafa, Mo ka lotou fonofono kiate au ke lotou too loku mauli.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Pesalemo 38:21

E lotou totogi mai kiate au le malie ki le veli ; E lotou fili mai kiate au, talie e kau afa le malie.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Esaia 3:10

Fakasa ki le tagata agatonu, e tapuakina loa a ia, Talie e fiafia loa a ia i fua o ana gaoi.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 37:18

Na toe pati loa Selemia ki le sau ko Setesiasi : Kolea laku nea leia kua sala kiate koe, mo au tagata fakasausau mo le kakai leinei, ke kotou tuku ai au ki le pilisoni ?

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Taniela 6:23

Ti na fiafia lasi loa le sau, ti na fakatotonu loa e ia ke too ake Taniela mei le popoko. Ti na too ake loa Taniela mei le popoko, ti na leaise maua fua iate ia se lavea, talie na fanaki a ia ki lona Atua.

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Taniela 6:7

Kua loto tasi fuli a pule o le puleaga, mo le kau minisi, mo le kau aliki, mo le kau fono, ti mo kovana, ke fai se fakatotonu fakapuleaga e le sau ti mo se tapu mamafa leia e fakasa ia, ko le tagata leia, i lolotoga o aso e kau tolu e faikole loa ki se atua kese pe ko se tagata kese, e ti loa ki le popoko o laione ; e gato tasi fai kiate koe, ei sau, e faikole loa ki ai.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Mateo 27:46

Ti i le ola tolu, na kalaga loa Sesu o leo lasi : Eli, Eli, Lama Sabachthani ! Ko lona uiga : Ei loku Atua, ei loku Atua, kolea kua ke tiaki ai au ?

Gaoi 12:11

I lona malama ake, na pati loa Petelo : Kua kau iloa papau i le temi nei kua kakau mai e le Atua lana aselo, ti kua fakamauli e ia au mei le lima o Elote ti mo nea fuli ala na talitali ki ai le kakai Sutea.

Gaoi 24:16

Ti e kau faiga ke kau maua tuumau se loto mea i mua o le Atua mo mua o le tagata.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi kia Timoteo 4:17

Kae ko le Aliki leia na tuu mo au ti na fakamakeke ia au, o tupu ke kau fakasa le akonaki katoa ti ke logo ki ai le kau pagani fuli. Ti na fakamauli au mei le gutu o le laione.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 11:33

I le tui, na lotou malo loa i ni puleaga, mo fai loa ni fakamaau, mo maua loa ni fakapapau, mo tapono loa le gutu o laione,

Uluaki tosi a Samuele 17:37

Na toe pati loa Tavite : Ko le Eteleno leia na saofaki ia au mei motikuku o le laione mo vae o le uluso, e toe saofaki ia loa au mei le lima o le Filisitini lena. Ti na pati loa Saulo kia Tavite : Ano, ti ke nofo le Eteleno mo koe !

Uluaki tosi a Samuele 26:18

Ti na pati loa a ia : Kolea e tuli ai e loku aliki lana tagata fakasausau ? Kolea le nea leia na kau fai, ti kolea laku sala ?