Taniela 6:20 - Tosi Tapu

²⁰ Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Taniela 6:20 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Uluaki tosi o Koloniko 16:11

Ke kotou afa le Eteleno mo lona makeke, Kotou afa tuumau ona mata !

Pesalemo 119:112

E kau peluki loku loto o fai lou finegalo, I aso fuli, o kaku ki le gatoaga.

Pesalemo 146:2

E kau fakafetai loa ki le Eteleno i le lolotoga o loku mauli, E kau sua loa ki loku Atua i le temi katoa o loku mauli.

Pesalemo 73:23

Kae ko le maoki e kau nofo tuumau mo koe : Na ke too loku lima atamai ;

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Taniela 3:17

Ko leinei, ko lomatou Atua leia e motou tausi ki ai, e mafai loa ke saofaki e ia matou mei le gutuumu kaka, ti e saofaki loa e ia matou mei lou lima, ei aliki sau !

Taniela 6:16

Koia na fakatotonu loa e le sau ke aumai Taniela, ti ke ti a ia ki le popoko o laione. Ti na masau loa le sau, o pati kia Taniela : Ko lou Atua leia e ke tausi ki ai i le kataki fualoa, ke mafai e ia lana saofaki ia a koe !

Taniela 6:19

Ti na ala mafoata loa le sau, ti na ano fakavilivili loa a ia ki le popoko o laione.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Taniela 6:27

Ko ia leia e saofaki ia ti e fakamauli ia, leia e fai ia ni fakamailoga ti mo ni nea fakamanamana i le lagi mo le kele. Ko ia leia na saofaki ia Taniela mei le makeke o laione.

Oseo 12:6

Ko le Eteleno ko le Atua o kau tau ; Ko lona suafa ko le Eteleno.

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Luka 1:37

Talie e leaise faigataa se nea ki le Atua.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Gaoi 6:4

Ti ko matou, e motou soko atu loa lamatou tokaga ki le faikole ti mo le gaoi o le folafola.

Loma 2:7

Ko le mauli kia latou ala, i lalatou kataki fualoa o fai le nea e malie, e afa ia le kololia, mo le fakamauiga, ti mo le mauli lee mate ;

Lua tosi ki le kau Kolinto 1:10

Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Kolose 4:2

Kotou kataki fualoa i le faikole, kotou alaala i ni faikole mo ni fakafetai ki le Atua.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Suta 1:24

Ki leia e mafai ke taupau ia koutou mei sigaaga fuli ti mo fakasa ia koutou, i mua o lona kololia, lee mele mo apele i le fiafia,