Taniela 6:13 - Tosi Tapu

¹³ Na lotou toe masau loa, o pati ki le sau : Ko Taniela, se tasi o le kau popula o Suta, na leaise fakaapaapa fua a ia kiate koe, ei sau, ti mo le tapu leia na ke fakamaoki ki ai, talie e faikole tua tolu a ia i le aso.

Taniela 6:13 ပူးပေါင်းရင်းမြစ်များ

Esitele 3:8

Ti na pati loa Amane ki le sau ko Asuelusi : E i ai i fenua fuli o lou puleaga se kakai leia kua mavetevete ti kua mavae i la ake kakai, ti e kesekese alatou lao mo lao o kakai fuli, ti e leaise lotou fakalogo fua ki lao a le sau. Koia e leaise aoga ai ki le sau ke tuku latou ke malolo !

Taniela 1:6

Na nofo ia latou, mei vosa o Suta, a Taniela, mo Anania, mo Misaele ti mo Asalia.

Taniela 2:25

Na taki fakatavili loa e Alioke a Taniela ki mua o le sau, ti na masau feneeki loa a ia ki le sau : Kua kau maua i le kau popula o Suta se tagata leia e soli ia loa ki le sau le fakamatala o lana moe miti mo lona uiga.

Taniela 3:11

ti ko leia e leaise punou loa ti e leaise atolasio loa, e ti loa a ia ki se gutuumu kaka.

Taniela 3:12

Ko leinei, e i ai ni tagata Sutea ala na ke tuku kia latou le pule o le fenua o Papilone, ko Satalake, mo Mesake, mo Apeteneko. Ko le kau tagata lena, ei aliki sau, e leaise fakaapaapa kiate koe ; e leaise lotou tausi ki ou atua ti e leaise lotou atolasio ki le fakatata aulo leia na ke fakatuu ia.

Taniela 3:8

Kae i le temi totonu lena, na fakafeofi ake loa ni tagata Kaletea, o fakalakasala le kau Sutea.

Taniela 5:13

Na fakaulu mai loa Taniela ki mua o le sau. Ti na masau loa le sau, o pati kia Taniela : Pe ko Taniela a koe, se tasi o le kau popula leia na aumai e le sau, loku tamana, mei Sutea ?

Gaoi 17:7

E lotou fakafesagai fuli ki lao a Sesale, o pati e i ai se tasi ake a sau, ko Sesu.

Gaoi 5:29

Ti na tali loa Petelo mo le kau apositolo : E tonu ke fakalogo ake ki le Atua i le tagata.