Taniela 5:21 - Tosi Tapu

²¹ Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:21 ပူးပေါင်းရင်းမြစ်များ

Sopo 39:5

Pe kua ke lau a masina ala e lotou tinanae ai ? Pe ke iloa le temi leia e lotou fananau ai ?

Esekiele 17:24

Ti e iloa loa e laakau fuli o le vao ko au, le Eteleno, na kau tuku ia ki lalo le laakau leia na malaga ki aluga, kae na kau siki ia ki aluga le laakau leia na tuku ki lalo, ti na kau fakagae ia le laakau sesega kae na kau fakasesega ia le laakau gae. Ko au, le Eteleno, kua kau masau, ti e kau gaoi loa.

Taniela 4:14

Na kalaga leo lasi loa a ia ti na masau mai loa a ia kiate au, o pati : Kotou sele ki lalo le laakau, ti kotou tutuuti ona laa ; kotou lu ona lau, ti kotou veteki ona fua ; ke sosola a manu mei ona lalo, ti mo manu lele mei ona laa !

Taniela 4:17

Ko le fakatotonu lena a latou ala e leo ti e maokioki, ti ko le fakatuutuu a ia a le kau sagato, o tupu ke iloa e latou ala e mauuli e pule le Atua Taualuga ki le pule o tagata, ti e soli e ia le pule ki leia e loto a ia ki ai, ti e siki e ia ki aluga le leia e taulalo oki i tagata fuli.

Taniela 4:22

ko koe totonu a ia, ei sau, leia kua liliu o lasi mo makeke, ti kua kaku lou logologona lasi ki le lagi, ti kua kaku lau pule ki potupotu o le malama nei.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:26

Ko le fakatotonu leia ke tuku le tafito leia e tuu ai a aka o le laakau : ko lona uiga e toe tuku loa lou puleaga kiate koe i le aso leia e ke iloa ai loa ko leia e pule e nofo i le atu lagi.

Taniela 4:34

I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;