Taniela 5:11 - Tosi Tapu

¹¹ E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Taniela 5:11 ပူးပေါင်းရင်းမြစ်များ

Senesi 41:38

Ti na pati loa Falaone kia ana minisi : E nofo le tagata leinei mo le Laumalie o le Atua. Pe tou toe maua loa se tasi ake tagata ofaipe ia leinei ?

Lua tosi a Samuele 14:17

Na pati lau fafine fakasausau : Ko le masau a loku aliki, le sau, e soli ia mai loa kiate au le fulufulumalie. Talie e tatau loku aliki, le sau, mo se aselo a le Atua, kua nofo teuteu a ia ke logo ki le malie mo le veli. Ti ke nofo mo koe le Eteleno, lou Atua !

Esekiele 28:3

Ko leinei, e ke poto ake ia Taniela, E leaise munia se nea fakapulipuli kiate koe ;

Esekiele 28:4

I lou poto mo lou atamai, na ke totogi ni koloa kiate koe, Na ke tanaki se aulo mo se paaga i ou fale koloa ;

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Taniela 2:11

E faigataa le nea leia e kole e le sau, e leaise feala ke fakasa e se tasi le nea lena ki le sau, e gato tasi ki atua, ala e leaise tuu lolatou nofoaga i lotolotoga o tagata.

Taniela 2:22

E fakasa e ia le nea leia e loloto mo munia, e iloa e ia le nea leia e tuku i le fakapouli, ti e iate ia le malama.

Taniela 4:18

Ko lena le moe miti leia na kau fai, e au, sau ko Nepukatenesale. Ti ko koe, Pelesatesale, fakasa mai kiate au lona uiga, talie na leaise mafai e le kau poto fuli o loku puleaga ke lotou tuku mai a ia. Ko koe, e ke mafai a ia, talie e iate koe le laumalie o atua maokioki.

Taniela 4:5

Na kau fai loa se moe miti leia na tupu ai loku i lasi ; ko manatu ala na kau maua i loku moeaga ti mo nea ala na tio ki ai loku laumalie na fakaii ai.

Taniela 4:6

Na kau fakatotonu loa ke aumai ki oku mua le kau poto fuli o Papilone, ke fakamatala mai kiate au le uiga o le moe miti.

Taniela 5:14

Kua kau logo o uiga mo koe, e ke maua le laumalie o atua, ti e maua iate koe le tio malama, mo se atamai, ti mo se poto kese.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Gaoi 12:22

Ti na kalaga loa le kakai, o pati : Ko le leo a ia o se atua, kae leai o se tagata !

Gaoi 14:11

I le tio a le kakai ki le nea kua fai e Paulo, na kalaga loa a ia i le pati fakalikaonia : Kua ifo mai a atua i ni tino o ni tagata kia tatou.

Gaoi 16:16

I lamatou ano ki le ganea faikole, na au loa o fakafetaulaki mai kia matou se taine fakasausau leia na nofo ai se temonio faikikite, ti na lasi ai a koloa na maua e ona pule iate ia, i lana faikikite loi.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.