Taniela 4:34 - Tosi Tapu

³⁴ I le oki o le temi leia na fakatuutuu ki ai, ko au, Nepukatenesale, na tio loa oku mata ki le lagi, ti na toe au loa loku atamai kiate au. Na kau fakafetai loa ki le Atua Taualuga. Na kau fakavikiviki mo fakakololia ki leia e mauli o lee gato, leia ko lana pule ko se pule lee gato, ti ko lona puleaga e tuu i tautupu mo tautupu.

Taniela 4:34 ပူးပေါင်းရင်းမြစ်များ

Lua tosi a Samuele 22:31

E saosaoa a ala o le Atua, Kua asiasii le folafola a le Eteleno ; Ko se paletau a ia kia latou fuli ala e fanaki kiate ia.

Uluaki tosi o Koloniko 29:10

Na fakafetai loa Tavite ki le Eteleno i mua o le fakatasiga katoa. Na pati loa a ia : Fakafetai kiate koe, Eteleno, Atua o lomatou tamana ko Iselaele, o lee gato mo lee gato.

Uluaki tosi o Koloniko 29:13

I le lakaga nei, ei lomatou Atua, e motou fakafetai kiate koe, ti e motou fakavikiviki ki lou suafa fakakololia.

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Pesalemo 10:16

E sau le Eteleno i tautupu mo tautupu, o lee gato ; E too loa a atu puleaga pagani i lona fenua.

Pesalemo 102:24

Na fatii e ia loku makeke i le ala, Na fakatoetoe e ia oku aso.

Pesalemo 107:15

Ke lotou fakafetai ki le Eteleno i lona agamalie Ti mo ana nea malilie ki vosa o le tagata !

Pesalemo 107:22

Ke lotou fai ni sakilifisio fakafetai, Ti ke lotou logologo ana gaoi i ni kalaga fakafiafia !

Pesalemo 107:31

Ke lotou fakafetai ki le Eteleno i lona agamalie, Ti mo ana nea malilie ki vosa o le tagata !

Pesalemo 107:8

Ke lotou fakafetai ki le Eteleno i lona agamalie, Ti mo ana nea malilie ki vosa o le tagata !

Pesalemo 111:7

Ko gaoi o ona lima ko le agatonu mo le faitotonu ; E maoki ana fakatotonu fuli,

Pesalemo 121:1

Katiko o le fanoga tapu. E kau siki ake oku mata ki atu mauga… Pe au loa meifea le tokoi kiate au ?

Pesalemo 123:1

Katiko o le fanoga tapu. E kau siki oku mata kiate koe, Leia e ekeeke i le atu lagi.

Pesalemo 145:13

Ko lau pule ko se pule i sekulo fuli, Ko lou makeke e lau i tautupu fuli.

Pesalemo 146:10

E pule le Eteleno o lee gato. Ko lou Atua, ei Sione ! i tautupu ki tautupu ; Kotou fakafetai ki le Eteleno !

Pesalemo 50:14

Ke ke momoli ni sakilifisio ki le Atua ko ni fakafetai, Ti ke ke fai au fakapapau ki le Taualuga.

Pesalemo 66:7

E pule a ia o lee gato i lona mafimafi, E tio ona mata ki atu puleaga : Ke aua na malaga ki aluga le kau agatuu ! - Manava.

Pesalemo 7:17

E toe vilo lana agaveli ki lona ulu, Ti e toe ifo lana agaitaita ki lona tumuaki.

Pesalemo 9:2

E kau fakafetai loa ki le Eteleno i loku loto katoa, Ti e kau fakamatala loa au gaoi malilie fuli.

Pesalemo 92:1

Pesalemo. Katiko ki le aso o le sapato.

Esaia 13:11

E kau tautea loa le malama nei o tupu ko lana agasala, Ti mo le kau agaveli o tupu ko alatou agaveveli ; E kau fakagato loa le fia nealasi o le kau fia taualuga, Ti e kau tuuti loa le fia tagata o le kau agamakeke.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 24:15

Koia ke kotou fakakololia ki le Eteleno i ganea fuli ala e mu ai le malama, Io, ki le suafa o le Eteleno, le Atua o Iselaele, i atu motu o le tai !

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Tagi laulau a Selemia 3:38

Pe leaise ko le finegalo o le Taualuga leia e soko ai A nea veveli mo nea malilie ?

Taniela 12:7

Ti na kau logo loa ki le tagata kofu tea, leia na tuu i aluga o vai o le vaitafe ; na siki loa e ia ki le lagi lona lima atamai mo lona lima sema, ti na fakapapau loa a ia i leia e mauli o lee gato, e soko loa i se temi, mo ni temi, ti mo se vaeluai temi, ti e oki loa nea fuli ana i le aso leia e fatifatii ai loa le makeke katoa o le kakai maokioki.

Taniela 2:44

I le temi o sau ana, e fakatupu loa e le Atua o le atu lagi se puleaga leia e leaise toe maumaui loa i se aso, ti e leaise toe tuku loa ki le pule a se tasi ake puleaga ; e fatifatii loa e ia, ti e maumaui loa e ia a la ake puleaga fuli, kae e tuu loa a ia totonu, o lee gato.

Taniela 4:2

Na kau manatu ko se nea malie ke fakasa a fakamailoga mo nea fakamanamana ala na fai e le Atua taualuga kiate au.

Taniela 4:26

Ko le fakatotonu leia ke tuku le tafito leia e tuu ai a aka o le laakau : ko lona uiga e toe tuku loa lou puleaga kiate koe i le aso leia e ke iloa ai loa ko leia e pule e nofo i le atu lagi.

Taniela 4:3

E lalasi ai ana fakamailoga ! E makeke ai ana nea fakamanamana ! Ko lana fakatotonu ko se fakatotonu lee gato, ti e tuu lana pule i tautupu mo tautupu.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:36

I le temi lena, na toe au loa le atamai kiate au ; ti na toe soli mai loa kiate au le kololia o loku puleaga, mo loku mamalu, mo loku logologona. Na toe afa loa au e laku kau fono mo laku kau lalasi ; ti na toe fakanofo loa au ki loku puleaga, ti na asilisili lasi loa loku makeke.

Taniela 5:18

Ei sau, na soli e le Atua Taualuga ki lou tamana ko Nepukatenesale, le puleaga, mo le mauiga, mo le kololia, ti mo le logologona ;

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 6:26

E kau fakatotonu le nea leinei : I loku puleaga katoa, ke maua le i mo le fakaapaapa ki le Atua o Taniela. Talie ko le Atua mauli a ia, ti e mauli a ia o lee gato ; e leaise maumaui loa lona puleaga i se aso, ti e tuu loa lana pule o kaku ki le fakaoki.

Taniela 7:14

Na soli loa kiate ia le pule, mo le kololia, mo le sau ; ti na tausi loa kiate ia a kakai fuli, mo puleaga, ti mo tagata mei masau kesekese fuli. Ko lana pule ko se pule lee gato, leia e leaise toe gato loa, ti e leaise toe maumau loa lona puleaga i se aso.

Taniela 7:27

Ko le sau, mo le pule, ti mo le kololia o puleaga fuli i lalo o le lagi, e soli loa ki le kakai o le kau sagato a le Taualuga. Ko lona puleaga ko se puleaga lee gato, ti e tausi loa a pule fuli kiate ia mo fakalogo loa kiate ia.

Taniela 9:14

Koia kua taupau ai e le Eteleno le malaia lena, o kakau mai kia matou ; talie e faitotonu le Eteleno, lomatou Atua, i nea fuli ala na fai e ia, kae na leaise motou fakalogo ki lona leo.

Sonasi 1:14

Koia na lotou tagi ai loa ki le Eteleno, o pati : Ei Eteleno, aua na ke tuku matou ke mamate o tupu ko le mauli o le tagata leinei, ti aua na ke teki kia matou le toto mea ! Talie ko koe, Eteleno, e ke fai le nea leia e ke loto ki ai.

Mikea 4:7

E kau fai loa ki le kau kito se toetoega, Kia latou ala na kapu se puleaga makeke ; Ti e sau loa le Eteleno kia latou, i le mauga o Sione, I le temi lena, o lee gato.

Luka 1:33

E sau loa a ia i le fale o Sakopo o lee gato, ti e leaise toe gato loa lana pule.

Luka 18:13

Na tuu le popelikano mei mamao, ti na leaise mafai ke tagaki a ia ki aluga, kae na tukituki e ia lona fatafata, o pati : Ei Atua, alofa mai kiate au ko le tagata agasala.

Soane 5:26

Talie, ofaipe le Tamana e maua ia le mauli iate ia totonu, kua toe soli foki e ia ki le Alo ke maua e ia le mauli iate ia totonu.

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Uluaki tosi kia Timoteo 6:16

leia toka tasi e maua ia le mauli lee gato, leia e nofo i se malama gigila leia e leaise mafai ke kaku ki ai, leia e leaise feala ke tio ki ai se tasi, leia e tuku ki ai le fakamauiga mo le mafimafi lee gato. Amene !

Apokalipisi 10:6

ti na fakapapau loa a ia i leia e mauli i sekulo mo sekulo, leia na fakatupu ia le lagi mo nea fuli i ai, mo le kele mo nea fuli i ai, mo le tai mo nea fuli i ai : e leaise toe solomuli loa,

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 4:10

na tulolo loa le kau matua e tino lua tupu fa i mua o leia e ekeeke i le ekeekeaga fakasau, o atolasio ki leia e mauli i sekulo mo sekulo, ti na lotou ti loa olatou pala ki mua o le ekeekeaga fakasau, o pati :

Apokalipisi 4:9

I le tuku e manu mauuli le kololia, mo le fakamauiga ti mo le fakafetai ki leia e ekeeke i le ekeekeaga fakasau, ki leia e mauli o kaku ki sekulo mo sekulo,