Taniela 4:33 - Tosi Tapu

³³ I le temi fai lena na fakasoko loa le folafola kia Nepukatenesale. Na kapu loa a ia mei loto malie o tagata, ti na kai loa e ia le mutie ofaipe pipi, ti na susu loa lona tino i le sasau o le lagi, o kaku ki le loloa o lona lau ulu ofaipe ni fului akuila, ti mo ona matininia ofaipe matininia o manu lele.

Taniela 4:33 ပူးပေါင်းရင်းမြစ်များ

Sopo 20:5

E toetoe fua le malo a le tagata agasala, Ti e leaise fualoa le fiafia a le tagata agaveli ?

Esaia 30:14

E maumau a ia ofaipe se ipu kele, Leia na taai fakaveliveli ke momo, Ti e leaise toe maua loa sona ga tipi ke too ai se malamalai afi i le gutuumu, Pe ke asu ai se ga vai i le fa tane.

Taniela 4:25

E kapu loa a koe mei loto malie o tagata, ti e ke maua loa lou nofoaga i loto malie o manu o faisaga, ti e tuku loa kiate koe se mutie ke kai, ofaipe pipi ; e susu loa a koe i le sasau o le lagi, ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:21

Na kapu loa a ia mei loto malie o fanau o tagata, ti na liliu loa lona loto o tatau mo le loto o manu, ti na tuu fakatasi loa lona nofoaga mo leia o asino vao ; na soli loa kiate ia se mutie ke kai ofaipe pipi, ti na susu loa lona tino i le sasau o le lagi, o kaku ki lana iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 5:5

I le temi fai lena, na sa loa ni maikao o se limai tagata, ti na tositosi loa e maikao ki le paa lase o le fale sau, i mua o le fa malama. Ti na tio loa le sau ki le potu o le lima lena na tositosi.

Uluaki tosi ki le kau Tesalonika 5:2

Talie kua kotou iloa papau e koutou totonu ko le aso o le Aliki e au loa ofaipe se tagata kaia i le pouli.